OpenAI आता ChatGPT वर जाहिराती दाखवण्याच्या तयारीत आहे. सुरुवातीला अमेरिकेतील युजर्ससाठी हा बदल लागू होणार असून, एआय मॉडेल्सचा प्रचंड खर्च भरून काढण्यासाठी कंपनीने हा व्यावसायिक पवित्रा घेतला आहे. OpenAI अजूनही प्रायव्हेट कंपनी असल्याने शेअर बाजारावर याचा थेट परिणाम होणार नाही.
जाहिरातींचा नवा मार्ग
ऑक्टोबर 2026 पासून, अमेरिकेतील युजर्सना ChatGPT वर इमेज जनरेट केल्यानंतर बाजूला स्पॉन्सर्ड कन्टेन्ट दिसू लागेल. 1.2 अब्ज वीकली ॲक्टिव्ह युजर्स असलेल्या या प्लॅटफॉर्मला आता महसुलाचे नवीन स्त्रोत निर्माण करायचे आहेत. या उपक्रमासाठी OpenAI ने AppsFlyer, Branch, Adjust, DoubleVerify आणि Integral Ad Science सारख्या कंपन्यांशी भागीदारी केली आहे, जेणेकरून जाहिरातींची गुणवत्ता आणि ब्रँड सुरक्षितता जपली जाईल.
खर्चाचे ओझे आणि धोरण
एआय मॉडेल्स चालवण्यासाठी लागणारी मोठी कॉम्प्युटिंग पॉवर आणि हाय ऑपरेशन्ल कॉस्ट यांमुळे कंपनीवर आर्थिक दबाव आहे. त्यामुळेच आता सबस्क्रिप्शन मॉडेलसोबतच जाहिरातींच्या माध्यमातून 'ड्युअल-ट्रॅक' महसूल मिळवण्याचा कंपनीचा मानस आहे. मात्र, जास्त जाहिरातींमुळे युजर एक्सपिरियन्स खराब होण्याची आणि युजर्स प्लॅटफॉर्म सोडून जाण्याची जोखीमही कंपनीसमोर आहे.
गुंतवणूकदारांसाठी काय आहे अपडेट?
महत्त्वाची गोष्ट म्हणजे, OpenAI अजूनही एक 'प्रायव्हेट कंपनी' आहे. जरी कंपनीने आयपीओ (IPO) साठी कागदपत्रे दाखल केल्याची चर्चा असली, तरी अद्याप कोणतीही अधिकृत तारीख निश्चित नाही. त्यामुळे सध्या सर्वसामान्य गुंतवणूकदारांना याचे शेअर्स खरेदी करता येणार नाहीत. कंपनीचा 2030 पर्यंतचा वाढता खर्च आणि Microsoft वरील अवलंबित्व या गोष्टी एआय क्षेत्रावर लक्ष ठेवणाऱ्यांसाठी महत्त्वाच्या ठरणार आहेत.