Drugs Controller General of India (DCGI) ने Abhayrab रॅबीज लस बॅच 'KE25012' बाबत सतर्कतेचा इशारा दिला आहे. पोटन्सी (Potency) आणि पॅकेजिंगमधील त्रुटींमुळे Indian Immunologicals Limited ला मोठा धक्का बसला असून, कंपनीच्या मार्केटवर याचा परिणाम होण्याची शक्यता आहे.
काय आहे नेमकी समस्या?
सेंट्रल ड्रग्ज लॅबोरेटरी, कसौली येथील चाचणीमध्ये Abhayrab लसीच्या KE25012 या बॅचमधील नमुने फेल ठरले आहेत. तपासणीत या लसींची पोटन्सी (Potency) आवश्यकतेनुसार नसल्याचे समोर आले आहे. यानंतर, नियामकाने या बॅचला अधिकृतपणे 'Not of standard quality' आणि 'Misbranded' असे घोषित केले आहे.
पॅकेजिंगमध्येही घोळ
केवळ औषधाची गुणवत्ताच नाही, तर पॅकेजिंगमध्येही गंभीर त्रुटी आढळल्या आहेत. कंपनीच्या अधिकृत सॅम्पलच्या तुलनेत या बॅचच्या लेबलिंग, आर्टवर्क, QR कोड आणि कॅपच्या रंगात फरक दिसून आला आहे. यामुळे बाजारात या लसींच्या सुरक्षेबाबत गंभीर प्रश्नचिन्ह निर्माण झाले आहे. गेल्या दोन वर्षांत कंपनीच्या उत्पादनावर उपस्थित झालेला हा दुसरा मोठा प्रश्न आहे. याआधी जानेवारी 2025 मध्येही बनावट बॅचेसमुळे आंतरराष्ट्रीय स्तरावर खळबळ उडाली होती.
कंपनीवर आर्थिक परिणाम?
Indian Immunologicals Limited (IIL) चा भारतीय रॅबीज लस मार्केटमध्ये तब्बल 40% वाटा आहे. आर्थिक वर्ष 2026 मध्ये कंपनीने ₹1,586 कोटींचा टर्नओव्हर नोंदवला होता आणि CRISIL कडून त्यांना 'CRISIL AA+/Stable' रेटिंग देण्यात आले आहे. मात्र, या घटनांमुळे कंपनीच्या विश्वासार्हतेवर परिणाम होऊन भविष्यातील सरकारी टेंडर्सवर कडक निर्बंध येण्याची शक्यता गुंतवणूकदारांनी लक्षात घेणे गरजेचे आहे.