Tata Sons चे चेअरमन N Chandrasekaran फेब्रुवारी 2027 मध्ये निवृत्त होणार आहेत. त्यांच्या जागी कोणाची वर्णी लागेल, याचे संकेत मिळत असून कंपनीने तीन दिग्गज नावांची निवड केली आहे.
टाटा समूहाच्या शिरपेचात मानाचा तुरा खोवणारे आणि अनेक वर्षांपासून समूहाचे नेतृत्व करणारे N Chandrasekaran २० फेब्रुवारी २०२७ रोजी निवृत्त होत आहेत. त्यांनी पुन्हा पुनर्नियुक्ती घेण्यास नकार दिल्याने, आता सर्वांचे लक्ष त्यांच्या उत्तराधिकाऱ्याकडे लागले आहे. टाटा सन्सच्या बोर्डाने सध्या तीन प्रमुख नावांवर विचार सुरू केला आहे: टाटा स्टीलचे CEO T V Narendran, समूहाचे CFO Saurabh Agrawal आणि नॅशनल स्टॉक एक्स्चेंजचे (NSE) MD आणि CEO Ashish Chauhan.
तीन तगडे दावेदार
या निवडीतून टाटा समूहाची भविष्यातील रणनीती स्पष्ट होत आहे. T V Narendran हे सध्या अंतर्गत पसंतीचे नाव मानले जात आहेत, ज्यांनी जागतिक बाजारपेठेतील आव्हानांमध्ये टाटा स्टीलला सक्षमपणे सांभाळले आहे. दुसरीकडे, Saurabh Agrawal हे समूहाचे आर्थिक व्यवस्थापन आणि भांडवल नियोजनात (Capital Allocation) तज्ज्ञ आहेत. तिसरे नाव, Ashish Chauhan हे तंत्रज्ञान आणि नियामक प्रणालीतील (Regulatory Environment) अनुभवासाठी ओळखले जातात, जे समूहाच्या डिजिटल विस्तारासाठी महत्त्वाचे ठरू शकतात.
आर्थिक स्थिती आणि आव्हाने
नवीन चेअरमनसमोर मोठी आर्थिक आव्हाने असणार आहेत. जरी कंपनी कर्जमुक्त असली आणि कंपनीने ₹31,961 कोटींचा निव्वळ नफा (Net Profit) नोंदवला असला, तरी काही नवीन गुंतवणूक क्षेत्रांवर लक्ष देणे गरजेचे आहे. कंपनीचा नफा मागील वर्षाच्या तुलनेत 21.8% नी वाढला असून रेव्हेन्यू ₹42,367 कोटींवर पोहोचला आहे.
मात्र, Air India मधील ₹22,238 कोटींचा तोटा हा नवीन नेतृत्व स्वीकारणाऱ्या व्यक्तीसाठी सर्वात मोठे आव्हान असेल. रतन टाटा यांच्या निधनानंतर टाटा समूहासाठी ही नेतृत्वातील मोठी घडामोड मानली जात आहे.