आज रिझर्व्ह बँक ऑफ इंडियाच्या (RBI) पतधोरण निर्णयाकडे गुंतवणूकदारांचे लक्ष लागले आहे. दरम्यान, PTC Industries ने ₹1,800 कोटींचा QIP लाँच केला असून KIMS आणि Endurance Technologies ने व्यवसायाचा विस्तार सुरू केला आहे.
भारतीय शेअर बाजारात आज मोठी उत्सुकता आहे, कारण RBI ची मॉनेटरी पॉलिसी कमिटी व्याजदराबाबत आपला निर्णय जाहीर करणार आहे. रेपो रेटमध्ये काही बदल होतो का, यावर बँकिंग, ऑटो आणि रिअल इस्टेट क्षेत्राची मदार आहे. व्याजदर वाढल्यास कर्जे महाग होऊ शकतात, याचा थेट फटका ग्राहकांच्या मागणीवर पडण्याची शक्यता आहे.
कॉर्पोरेट क्षेत्रात अनेक मोठ्या घडामोडी घडत आहेत. PTC Industries ने आपली क्षमता वाढवण्यासाठी ₹1,800 कोटींचा QIP लाँच केला आहे. यासाठी ₹22,150 प्रती शेअर ही फ्लोर प्राईस ठरवण्यात आली आहे. याचा उपयोग कंपनी एरोस्पेस आणि डिफेन्स मॅन्युफॅक्चरिंग वाढवण्यासाठी करणार आहे.
आरोग्य क्षेत्रात KIMS ने मोठी खेळी केली असून, Insignia Healthcare मधील 51% हिस्सा विकत घेण्यास मंजुरी दिली आहे. यामुळे कंपनीला गुंटूरमधील या हॉस्पिटलवर पूर्ण नियंत्रण मिळेल. दुसरीकडे, Endurance Technologies ने युरोपमध्ये आपला विस्तार करत Anna Milena SpA आणि Fondalpress SpA चे 100% अधिग्रहण पूर्ण केले आहे.
इतर कंपन्यांच्या कामगिरीवर नजर टाकल्यास:
- Axis Solutions ला John Cockerill Hydrogen कडून €4.03 दशलक्षचा कंत्राट मिळाले.
- Container Corporation ऑफ इंडियाला सदिर्न रेल्वेकडून ₹87.15 कोटींची ऑर्डर मिळाली.
- Om Power Transmission ने ₹60.48 कोटींचा प्रोजेक्ट मिळवला आहे.
याशिवाय, गुजरात अपोलो इंडस्ट्रीजने Credo Advanced Chemicals मधील आपला 17.92% वाटा ₹37.63 कोटींना विकला आहे. तर दुसरीकडे, Dhanuka Agritech समोर ₹55.53 कोटींच्या टॅक्स डिमांडचे संकट उभे राहिले असून कंपनी याविरोधात कायदेशीर लढा देत आहे.