eMudhra Share Price: வருவாயில் சாதனை! லாபத்தில் அதிரடி ஏற்றம் கண்ட eMudhra

இந்த அதிரடி வளர்ச்சிக்கு என்ன காரணம்?

கம்பெனியின் என்டர்பிரைஸ் சொல்யூஷன்ஸ் (Enterprise Solutions) பிரிவு தான் இந்த அபார வளர்ச்சிக்கு முக்கிய காரணம். இந்த பிரிவு மட்டும் 55% வளர்ந்து, மொத்த வருவாயில் (Total Revenue) 59% ஆகப் பதிவாகியுள்ளது. வெளிநாட்டு வருவாயும் (International Sales) 39% உயர்ந்து, மொத்த விற்பனையில் 64% என்ற பெரிய பங்களிப்பைச் செய்துள்ளது.

ஐரோப்பாவில் Cryptas-ஐ ஒருங்கிணைத்தது மற்றும் அமெரிக்காவில் InCommon consortium உடன் ஒரு பெரிய TLS certificate டீல் பெற்றது போன்ற முக்கிய சர்வதேச வெற்றிகளும் இந்த வளர்ச்சிக்கு வலு சேர்த்துள்ளன.

AI காரணமாக சைபர் பாதுகாப்புக்கான தேவை அதிகரித்து வருவது, eMudhra போன்ற நிறுவனங்களுக்கு ஒரு நல்ல அறிகுறியாகும். இந்த டிஜிட்டல் சவால்கள் நீண்ட காலத்திற்கு நிறுவனத்திற்கு சாதகமாக அமையும் என எதிர்பார்க்கப்படுகிறது.

எதிர்கால நோக்கு (Future Outlook)

eMudhra, FY27-க்கு 18% வருவாய் வளர்ச்சியை இலக்காகக் கொண்டுள்ளது. மேலும், லாபமானது 25-30% வரை வளரும் என எதிர்பார்க்கப்படுகிறது. அடுத்த மூன்று ஆண்டுகளில் லாபத்தை இரட்டிப்பாக்கும் இலக்கையும் நிர்ணயித்துள்ளது.

சவால்களும் உள்ளன!

மத்திய கிழக்கு போன்ற பகுதிகளில் நிலவும் புவிசார் அரசியல் (Geopolitical) பிரச்னைகளால், மார்ச் மாதத்தில் வர வேண்டிய சில ஆர்டர்கள் தாமதமாகியுள்ளன. மேலும், 3i Infotech நிறுவனத்துடனான சட்டப்பூர்வ தகராறுகளும் கவனிக்கப்பட வேண்டியவை. ஐரோப்பிய வங்கித் துறையில் பெரிய டீல்கள் கிடைப்பதும் சில சமயங்களில் நீண்ட காலமெடுக்கும்.

Sify Technologies, CAMS, CDSL போன்ற நிறுவனங்களும் டிஜிட்டல் சேவைகளில் வளர்ச்சியைப் பதிவு செய்து வருவது, ஒட்டுமொத்த சந்தையின் தேவையைக் காட்டுகிறது.