Axis Securities ने आपल्या ऑक्टोबर महिन्याच्या गुंतवणुकीच्या धोरणात Skipper Ltd आणि Ethos Ltd साठी 'BUY' रेटिंग जाहीर केली आहे. Skipper चा भक्कम ऑर्डर बुक आणि Ethos चा व्यवसायातील विस्तार पाहता ब्रोकरेजने हे सकारात्मक संकेत दिले आहेत.
Skipper आणि Ethos वर ब्रोकरेज फिदा
बाजारातील सध्याच्या अस्थिरतेच्या काळात Axis Securities ने आपली ऑक्टोबर महिन्याची इक्विटी स्ट्रॅटेजी जाहीर केली आहे. यामध्ये त्यांनी Skipper Ltd साठी ₹595 तर Ethos Ltd साठी ₹3,360 अशी टार्गेट प्राईस निश्चित केली आहे.
का आहे हे दोन शेअर्स महत्त्वाचे?
Skipper Ltd: कंपनीकडे सध्या ₹9,217 कोटींचे विक्रमी ऑर्डर बुक आहे. कंपनी आपली क्षमता 75,000 MTPA ने वाढवत असून, Q2FY27 पर्यंत ती 4,50,000 MTPA वर नेण्याचे लक्ष्य आहे. या गतीमुळे शेअरमध्ये 10% वाढीची शक्यता वर्तवण्यात आली आहे.
Ethos Ltd: लक्झरी घड्याळांच्या मार्केटमध्ये अग्रेसर असलेल्या Ethos ने आता 'Hour Studio' फॉरमॅटद्वारे मिड-प्रीमियम सेगमेंटमध्ये एन्ट्री केली आहे. या धोरणामुळे कंपनीच्या उत्पन्नात मोठी वाढ होण्याची चिन्हे असून, ब्रोकरेजला यामध्ये तब्बल 33% Upside दिसत आहे.
गुंतवणूकदारांसाठी सल्ला
Axis Securities ने सध्याच्या अस्थिर बाजारात 'Growth at a Reasonable Price' (GARP) पद्धतीचा अवलंब करण्याचा सल्ला दिला आहे. भू-राजकीय तणाव आणि कच्च्या तेलाच्या वाढत्या किमतींमुळे बाजारात चढ-उतार राहू शकतात. त्यामुळे पोर्टफोलिओमध्ये 10-15% कॅश (लिक्विडिटी) राखून ठेवणे फायदेशीर ठरेल, असा सल्ला तज्ज्ञांनी दिला आहे.