భారతదేశంలోని Global Capability Centres (GCC) ఇప్పుడు భారీగా సిబ్బందిని తీసుకోవడం కంటే, AI సాంకేతికతపైనే ఎక్కువగా దృష్టి సారిస్తున్నాయి. తక్కువ మందితో ఎక్కువ పని సాధించే 'లీనర్' మోడల్కు కంపెనీలు మారుతుండటం ఇన్వెస్టర్లకు కొత్త సంకేతం.
భారతదేశంలోని గ్లోబల్ క్యాపబిలిటీ సెంటర్ల (GCC) పనితీరులో ఊహించని మార్పులు కనిపిస్తున్నాయి. గతంలో వేల సంఖ్యలో నియామకాలు చేపట్టిన కంపెనీలు, ఇప్పుడు 'డైమండ్-షేప్డ్' మోడల్ను అనుసరిస్తున్నాయి. దీని అర్థం ఏంటంటే.. ఇప్పుడు భారీ టీమ్స్ అవసరం లేదు, కేవలం 3 నుంచి 5 మంది నిపుణులు ఉంటే చాలు, AI ఏజెంట్ల సాయంతో పాత రోజుల్లో డజన్ల కొద్దీ ఉద్యోగులు చేసే పనిని సులువుగా పూర్తి చేస్తున్నారు.
డేటా చెబుతున్న నిజాలివే!
2026 మొదటి అర్ధభాగంలో ఓవరాల్ హైరింగ్ వృద్ధి 12% నుండి 15% మధ్య ఉండగా, కేవలం AI సంబంధిత నైపుణ్యాల కోసం డిమాండ్ మాత్రం 45% పెరిగింది. దీనిని బట్టి కంపెనీలు సంప్రదాయ ఉద్యోగాల కంటే, AIని ఆపరేట్ చేయగల 3 నుండి 8 ఏళ్ల అనుభవం ఉన్న టెక్ నిపుణులకే ప్రాధాన్యత ఇస్తున్నాయని స్పష్టమవుతోంది.
IT రంగంపై ఎఫెక్ట్ ఏంటి?
పెద్ద పెద్ద గ్లోబల్ కంపెనీలు తమ అంతర్గత పనులను AI ద్వారా సొంతంగానే పూర్తి చేసుకుంటుంటే, ఇక బయట కంపెనీలకు ఇచ్చే అవుట్సోర్సింగ్ ప్రాజెక్టులు తగ్గే అవకాశం ఉందా? అనే ప్రశ్న ఇన్వెస్టర్లలో మొదలైంది. ఇది Tata Consultancy Services (TCS), Infosys, Wipro, మరియు HCLTech వంటి దిగ్గజాల రెవెన్యూ మరియు మార్జిన్లపై ప్రభావం చూపే అవకాశం ఉంది. క్లయింట్లు టెక్నాలజీ పరంగా స్వయం సమృద్ధిని సాధిస్తుండటం, IT సర్వీస్ కంపెనీలకు ఒక కొత్త సవాలుగా మారనుంది.
ముందున్న అతి పెద్ద రిస్క్ ఏంటంటే.. నిపుణులను నిలుపుకోవడం మరియు AI ఇన్ఫ్రాస్ట్రక్చర్ కోసం పెట్టే భారీ ఖర్చు. ఈ మార్పు వల్ల పేరెంట్ కంపెనీల ప్రాఫిట్ మార్జిన్లు పెరుగుతాయా లేదా అన్నది చూడాల్సి ఉంది.