భారతీయ టెలిఫోనీ రంగానికి అనుగుణంగా Gnani AI సరికొత్తగా Prisma v3.0 మోడల్‌ను ప్రవేశపెట్టింది. కోడ్-మిక్స్డ్ ప్రాంతీయ భాషలను అద్భుతంగా అర్థం చేసుకునే ఈ టెక్నాలజీ, బ్యాంకింగ్ మరియు కస్టమర్ సర్వీస్ రంగాలకు గేమ్ ఛేంజర్ కానుంది.
భారతీయ భాషల ప్రత్యేకతలను, ముఖ్యంగా మనం మాట్లాడేటప్పుడు ఇంగ్లీష్‌తో కలిపి వాడే 'కోడ్-మిక్సింగ్' పద్ధతిని గుర్తించడంలో గ్లోబల్ AI మోడల్స్ గతంలో ఇబ్బందులు పడేవి. ఈ సమస్యకు పరిష్కారంగా Gnani AI తన Prisma v3.0ను మార్కెట్లోకి తీసుకువచ్చింది.
భారతీయ మాండలికాలపై పట్టు
సాధారణ AI మోడల్స్ అంతర్జాతీయ డేటాపై శిక్షణ పొందుతాయి. కానీ, Prisma v3.0 ప్రత్యేకంగా మన దేశపు టెలిఫోన్ ఆడియో కాల్స్ ఆధారంగా రూపొందించబడింది. ఇది కాల్ సెంటర్లలో ఉండే బ్యాక్‌గ్రౌండ్ నాయిస్‌ను తొలగించి, వివిధ ప్రాంతీయ మాండలికాలను స్పష్టంగా గుర్తిస్తుంది. కంపెనీ గణాంకాల ప్రకారం, 9 భారతీయ భాషలలో దీని Macro Word Error Rate కేవలం 16.9% మాత్రమే.
ఎంటర్‌ప్రైజ్ అవసరాలకు తగ్గట్టుగా..
బ్యాంకింగ్, ఇన్సూరెన్స్ రంగాల్లో ఒక్కో అవసరానికి ఒక్కో రకమైన డేటా రిపోర్ట్ అవసరం. దీనికోసం Prisma v3.0 నాలుగు ప్రత్యేక మోడ్లను అందిస్తోంది:
- Verbatim mode: లీగల్ ఆడిట్స్ కోసం ప్రతి మాటను రికార్డ్ చేస్తుంది.
- Transcribe mode: డేటాబేస్ కోసం క్లీన్ టెక్స్ట్‌ని ఇస్తుంది.
- Code-mix mode: ప్రాంతీయ భాషా స్క్రిప్ట్‌ను అలాగే ఉంచుతుంది.
- Transliterate mode: ప్రాంతీయ మాటలను ఇంగ్లీష్ అక్షరాల్లోకి మారుస్తుంది.
ప్రస్తుతం Gnani AI రోజుకు 5 కోట్ల వాయిస్ ఇంటరాక్షన్‌లను ప్రాసెస్ చేస్తోంది. ప్రతి రిక్వెస్ట్‌కు 200 కస్టమ్ కీవర్డ్స్‌ని యాడ్ చేసుకునే వెసులుబాటు ఉండటంతో, పెద్ద సంస్థలు తమ బ్రాండ్ పేర్లను కూడా కచ్చితంగా ట్రాన్స్‌క్రిప్ట్ చేసుకోగలవు. రానున్న రోజుల్లో గ్లోబల్ టెక్ దిగ్గజాలతో పోటీ పడుతూ ఈ సంస్థ భారతీయ మార్కెట్‌లో ఎలాంటి స్థానాన్ని సంపాదిస్తుందో చూడాలి.