ఏడేళ్ల తర్వాత ఆఫీస్ కు గుడ్ బై
ఏడేళ్లకు పైగా Info Edge సంస్థలో పనిచేసిన పవన్ గోయల్, వ్యక్తిగత కారణాలతో ఈ నిర్ణయం తీసుకున్నట్లు తెలిపారు. కేవలం CBO పదవి నుంచే కాకుండా, కంపెనీ బోర్డు కమిటీల నుంచి కూడా ఆయన వైదొలగనున్నారు.
వృద్ధిలో కీలక పాత్ర
గోయల్ నేతృత్వంలో Naukri.com నడిచే రిక్రూట్మెంట్ సొల్యూషన్స్ విభాగం 16.8% కాంపౌండ్ యాన్యువల్ గ్రోత్ రేట్ (CAGR) సాధించింది. అంతేకాకుండా, ఈ విభాగం ఆపరేటింగ్ ప్రాఫిట్ మార్జిన్లు 53% నుండి దాదాపు 57% కి పెరిగాయని సమాచారం.
Q3 FY26 గణాంకాలు
ప్రస్తుత ఆర్థిక సంవత్సరం మూడో త్రైమాసికం (Q3 FY26) లో, Naukri.com తో సహా రిక్రూట్మెంట్ విభాగం బిల్లింగ్స్ ₹548 కోట్లకు చేరాయి. గత ఏడాది ఇదే కాలంలో ఇది ₹494 కోట్లుగా ఉంది. ఈ విభాగం నుంచి వచ్చిన రెవెన్యూ సుమారు ₹575 కోట్లుగా నమోదైంది.
కంపెనీ మొత్తం పనితీరు
Info Edge సంస్థ మొత్తంగా Q3 FY26 లో ₹747 కోట్ల బిల్లింగ్స్ సాధించింది. ఇది గత ఏడాదితో పోలిస్తే 12% అధికం. అలాగే, రెవెన్యూ ₹765 కోట్లకు చేరుకుంది. 99acres, Jeevansathi వంటి ఇతర ప్లాట్ఫామ్స్ ను నడిపిస్తున్న ఈ సంస్థ, పవన్ గోయల్ స్థానంలో కొత్త వారిని ఇంకా ప్రకటించలేదు.