మార్కెట్ రెగ్యులేటర్ SEBI తన 2018 నాటి నిబంధనలను మారుస్తూ, కొత్తగా 'Settlement of Administrative and Civil Proceedings Regulations, 2026' ను తీసుకువచ్చింది. ఇకపై పెనాల్టీలు పారదర్శకమైన ఫార్ములా ప్రకారం ఉంటాయి.
మార్కెట్ నియంత్రణ సంస్థ SEBI, మార్కెట్ పార్టిసిపెంట్లకు ఎదురయ్యే న్యాయపరమైన ఇబ్బందులను తొలగించేందుకు కీలక నిర్ణయం తీసుకుంది. 2018 నిబంధనలను సవరిస్తూ, ఇప్పుడు మరింత పారదర్శకతకు పెద్దపీట వేసింది.
పెనాల్టీల లెక్కలో కొత్త ఫార్ములా
గతంలో పెనాల్టీల విషయంలో స్పష్టత ఉండేది కాదు, కానీ ఇప్పుడు ఒక నిర్దిష్టమైన ఫార్ములాను అమలులోకి తెచ్చింది. తప్పు తీవ్రతను బట్టి, బేస్ పెనాల్టీకి అదనపు ఫ్యాక్టర్స్ కలిపి లెక్క వేస్తారు. ముఖ్యంగా, 'డిస్గోర్జ్మెంట్' (అక్రమ లాభాలను వెనక్కి ఇచ్చే ప్రక్రియ)ను పెనాల్టీ నుంచి వేరు చేశారు. దీనివల్ల కంపెనీలకు తమ ఆర్థిక బాధ్యత ఏంటనేది స్పష్టంగా తెలుస్తుంది.
చిన్న కేసులకు ఫాస్ట్-ట్రాక్
ఇకపై 'Wells Notice' విధానం ద్వారా కేసు ఫైల్ చేయకముందే సంస్థలతో చర్చలు జరపనుంది. ముఖ్యంగా ₹10 లక్షల కంటే తక్కువ విలువైన కేసులు లేదా డిస్క్లోజర్ లోపాలకు సంబంధించిన చిన్న కేసులను ఫాస్ట్-ట్రాక్ పద్ధతిలో వేగంగా క్లోజ్ చేసేందుకు ప్రత్యేక ప్యానెల్ను ఏర్పాటు చేశారు.
పాత కేసులకు 90 రోజుల అమ్నెస్టీ
గతంలో తిరస్కరణకు గురైన లేదా పెండింగ్లో ఉన్న పాత కేసులను పరిష్కరించుకోవడానికి SEBI 90 రోజుల పాటు ప్రత్యేక విండోను ఇచ్చింది. ఈ అవకాశాన్ని వాడుకునే కంపెనీలు నిర్ణీత పెనాల్టీపై అదనంగా 20% ప్రీమియం చెల్లించాల్సి ఉంటుంది.
తీవ్రమైన కేసులకూ సెటిల్మెంట్ అవకాశం
గతంలో సెటిల్మెంట్ పరిధిలోకి రాని ఫైనాన్షియల్ మిస్స్టేట్మెంట్స్, ఫండ్ సైఫనింగ్ వంటి తీవ్రమైన కేసులను కూడా ఇప్పుడు సెటిల్ చేసుకునే వెసులుబాటు కల్పించారు. అయితే, దీని కోసం కంపెనీలు పూర్తి డిస్క్లోజర్ ఇవ్వడం మరియు దారి మళ్ళించిన నిధులను తిరిగి చెల్లించడం వంటి షరతులకు అంగీకరించాలి.