Goldman Sachs: ఇండియన్ ఏఐ స్టార్టప్‌ల జోరు.. ఐపీఓల ద్వారా మార్కెట్లోకి భారీగా నిధులు

ప్రస్తుతం భారతీయ స్టాక్ మార్కెట్లో ఏఐ (AI) అంటే కేవలం పవర్ జనరేషన్, సెమీకండక్టర్లు మరియు డేటా సెంటర్ కంపెనీలకే పరిమితం. వీటి మొత్తం మార్కెట్ క్యాపిటలైజేషన్ $670 బిలియన్ల దాకా ఉంది. కానీ, Goldman Sachs నివేదిక ప్రకారం, త్వరలోనే ఈ పరిస్థితి పూర్తిగా మారబోతోంది.

కొత్త ట్రెండ్‌లోకి మార్కెట్

భారతదేశంలో ఉన్న 84 మిడ్-టు-లేట్ స్టేజ్ ఏఐ స్టార్టప్‌లు భవిష్యత్తులో ఐపీఓలకు సిద్ధమవుతున్నాయి. ఇవి కేవలం ఇన్ఫ్రాస్ట్రక్చర్ కోసం కాకుండా, హెల్త్‌కేర్ డయాగ్నోస్టిక్స్, కన్వర్సేషనల్ ఏఐ, కంప్యూటర్ విజన్ మరియు క్లౌడ్ మేనేజ్‌మెంట్ వంటి కీలక అప్లికేషన్లపై ఫోకస్ చేస్తున్నాయి. వచ్చే 2 నుంచి 5 ఏళ్లలో వీటిలో 25% నుండి 50% కంపెనీలు పబ్లిక్ మార్కెట్లోకి వచ్చే అవకాశం ఉందని నివేదిక పేర్కొంది.

ఇన్వెస్టర్లు ఏం గమనించాలి?

కొత్త ఏజ్ టెక్ కంపెనీల ఐపీఓల విషయంలో ఇన్వెస్టర్లు అప్రమత్తంగా ఉండాలని నిపుణులు సూచిస్తున్నారు. ప్రైవేట్ కంపెనీల వాల్యుయేషన్లు పబ్లిక్ మార్కెట్లోకి వచ్చే సమయానికి భారీగా పెరిగే అవకాశం ఉంటుంది. లాభాల కంటే కేవలం గ్రోత్ అంచనాలపైనే ఇవి ఆధారపడి ఉండే ప్రమాదం ఉంది. అందుకే, కంపెనీల ఫైనాన్షియల్ హెల్త్, బిజినెస్ మోడల్ సుస్థిరతను గమనిస్తూ, కేవలం హేప్ (Hype) తో వచ్చే కంపెనీలకు దూరంగా ఉండటం మంచిదని మార్కెట్ విశ్లేషకులు చెబుతున్నారు.