అక్టోబర్ 1, 2026 నుండి NRIల దగ్గర ప్రాపర్టీ కొనే భారతీయుల కోసం కొత్త నిబంధనలు అమలులోకి రానున్నాయి. ఇప్పుడు అప్డేట్ చేసిన Form 141 ద్వారా సెల్లర్ యొక్క ఫారిన్ ట్యాక్స్ ID వంటి వివరాలను సమర్పించడం తప్పనిసరి.
కొత్త నిబంధనలు ఎందుకు?
Central Board of Direct Taxes (CBDT) NRIల నుంచి ఆస్తులు కొనుగోలు చేసేటప్పుడు జరిగే లావాదేవీలను మరింత పారదర్శకంగా మార్చేందుకు ఈ కీలక మార్పులు తీసుకువచ్చింది. ఇకపై కొనుగోలుదారులు మరింత జాగ్రత్తగా ఉండాల్సిన అవసరం ఉంది.
Form 141 లో కీలక మార్పులు
ఇప్పటి వరకు ఉన్న ఫార్మాట్ స్థానంలో అప్డేట్ చేసిన Form 141 ను వాడాలి. ఇందులో కొత్తగా Schedule E ని చేర్చారు. ఇది Income-tax Act లోని సెక్షన్ 393(2) కింద జరిగే ట్యాక్స్ డిడక్షన్లను ట్రాక్ చేస్తుంది. దీనివల్ల సేల్ అగ్రిమెంట్ జరిగినప్పటి నుంచే ప్రభుత్వానికి ఆ డీల్ పై స్పష్టమైన సమాచారం ఉంటుంది.
కొనుగోలుదారులు సేకరించాల్సిన వివరాలు
ఇకపై NRI సెల్లర్ల దగ్గర నుంచి కేవలం PAN కార్డ్ తీసుకుంటే సరిపోదు. అదనంగా ఈ వివరాలు తప్పనిసరి:
- Tax Residency Certificate (TRC) నంబర్
- ఫారిన్ ట్యాక్స్ ఐడెంటిఫికేషన్ నంబర్ (TIN)
- నిర్ధారించబడిన ఓవర్సీస్ కాంటాక్ట్ వివరాలు
రిస్క్ ఎక్కడ ఉంది?
ఈ నిబంధనల ప్రకారం, తప్పుడు వివరాలు ఇచ్చినా లేదా డాక్యుమెంట్లు సేకరించడంలో నిర్లక్ష్యం వహించినా నేరుగా ఇన్కమ్ ట్యాక్స్ డిపార్ట్మెంట్ నుంచి నోటీసులు వచ్చే అవకాశం ఉంది. ముఖ్యంగా ఎక్కువ మంది కొనుగోలుదారులు ఉన్నప్పుడు, ప్రతి ఒక్కరూ విడిగా ఫారమ్ను ఫైల్ చేయాల్సి ఉంటుంది. కాబట్టి, డీల్ కుదుర్చుకునే ముందే లీగల్ మరియు ట్యాక్స్ కన్సల్టెంట్లతో సంప్రదించి డాక్యుమెంట్లను సిద్ధం చేసుకోవడం మంచిది.