చాలామంది లోన్ సెటిల్మెంట్ అంటే అప్పు తీరిపోయిందని పొరపాటు పడుతుంటారు. కానీ బ్యాంకుల దృష్టిలో ఇది 'ఇన్ కంప్లీట్ పేమెంట్' గా కనిపిస్తుంది. దీనివల్ల భవిష్యత్తులో లోన్లు, క్రెడిట్ కార్డులు రిజెక్ట్ అయ్యే అవకాశం ఉంది.
భారతీయ బ్యాంకింగ్ వ్యవస్థలో ఆర్థిక ఇబ్బందుల్లో ఉన్నవారు అప్పును తక్కువ మొత్తంతో సెటిల్ చేసుకోవడం మనం చూస్తుంటాం. దీనినే డెట్ సెటిల్మెంట్ అంటారు. ఇది వెంటనే అప్పుల నుంచి ఉపశమనం ఇచ్చినప్పటికీ, మీ క్రెడిట్ ప్రొఫైల్పై దీర్ఘకాలిక ప్రభావం చూపుతుంది. 'సెటిల్డ్' అంటే అప్పు తీరిపోయిందని కాదు, అది బ్యాంకులకి ఒక 'రెడ్ ఫ్లాగ్' లాంటిది.
ఎందుకు ఇది ప్రమాదం?
ఒక లోన్ 'క్లోజ్డ్' (Closed) అయిందంటే మీరు పూర్తి డబ్బులు కట్టారని అర్థం. కానీ 'సెటిల్డ్' (Settled) అని ఉంటే, మీరు కాంట్రాక్ట్ ప్రకారం పూర్తి చెల్లింపులు చేయలేదని బ్యాంకులు భావిస్తాయి. దీనివల్ల భవిష్యత్తులో మీకు పర్సనల్ లోన్లు లేదా హోమ్ లోన్లు కావాలంటే, బ్యాంకులు మీ దరఖాస్తును ఆటోమేటిక్ గా రిజెక్ట్ చేస్తాయి.
పరిష్కారం ఏంటి?
ఈ స్టేటస్ శాశ్వతం కాదు. మీరు మిగిలిన బ్యాలెన్స్ మొత్తాన్ని బ్యాంకుకు చెల్లించి, ఆ అకౌంట్ను 'క్లోజ్డ్'గా మార్చుకోవచ్చు. డబ్బులు చెల్లించిన తర్వాత బ్యాంకు నుంచి No Objection Certificate (NOC) తీసుకోవడం చాలా ముఖ్యం.
క్రెడిట్ బ్యూరోలో ఎలా అప్డేట్ చేయాలి?
బ్యాంకులు మీ పేమెంట్ స్టేటస్ను CIBIL, Equifax లేదా Experian వంటి సంస్థలకు పంపాలి. దీనికి 15 నుంచి 30 రోజుల సమయం పడుతుంది. ఈలోపు మీ క్రెడిట్ రిపోర్టును తరచుగా చెక్ చేసుకుంటూ ఉండండి. ఒకవేళ అప్డేట్ కాకపోతే, క్రెడిట్ బ్యూరోలో డిస్ప్యూట్ (Dispute) చేసే హక్కు మీకు ఉంది. మీ ఆర్థిక ప్రయాణంలో క్రెడిట్ స్కోర్ కీలకం, కాబట్టి సెటిల్మెంట్ విషయంలో జాగ్రత్తగా ఉండండి.