పర్సనల్ లోన్స్ తీసుకునేటప్పుడు దాగి ఉండే ఖర్చుల పట్ల జాగ్రత్తగా ఉండాలి. RBI నిబంధనల ప్రకారం Key Facts Statement ను గమనించడం, లోన్ కాలపరిమితిని సరిగ్గా ఎంచుకోవడం ద్వారా మీరు అనవసరపు వడ్డీ భారాన్ని తగ్గించుకోవచ్చు.
పర్సనల్ లోన్స్ మార్కెట్లో ఆకర్షణీయమైన వడ్డీ రేట్లతో కనిపిస్తాయి, కానీ అసలు భారం అగ్రిమెంట్లోని నిబంధనలలో దాగి ఉంటుంది. వినియోగదారుల ప్రయోజనం కోసం, రిజర్వ్ బ్యాంక్ ఆఫ్ ఇండియా (RBI) ఇప్పుడు బ్యాంకులు మరియు NBFCలు తప్పనిసరిగా 'Key Facts Statement' (KFS) అందించాలని ఆదేశించింది. ఇది లోన్ ప్రాసెసింగ్ ఫీజులు, ఇతర ఛార్జీలతో సహా మొత్తం వాస్తవ వడ్డీ భారాన్ని తెలియజేస్తుంది.
Key Facts Statement (KFS) ప్రాముఖ్యత
బ్యాంకులు ప్రకటించే వడ్డీ రేట్లు మాత్రమే వాస్తవం కాదు. ప్రాసెసింగ్ ఫీజులు, డాక్యుమెంటేషన్ ఛార్జీలు, ఇన్సూరెన్స్ ప్రీమియంలను కలిపితే అసలు వడ్డీ రేటు చాలా ఎక్కువగా ఉంటుంది. లోన్ అగ్రిమెంట్పై సంతకం చేసే ముందు KFSని అడిగి తీసుకోవడం వల్ల, మీరు చెల్లించాల్సిన మొత్తం వాయిదాల వివరాలు స్పష్టంగా తెలుస్తాయి.
ఎక్కువ కాలపరిమితితో జాగ్రత్త!
EMI తగ్గించుకోవడానికి చాలామంది సుదీర్ఘ కాలపరిమితిని (Long Tenure) ఎంచుకుంటారు. ఇది తక్షణమే కొంత ఊరటనిచ్చినా, దీర్ఘకాలంలో మీరు చాలా ఎక్కువ వడ్డీని చెల్లించాల్సి వస్తుంది. 3 ఏళ్ల లోన్ కంటే 5 ఏళ్ల లోన్ కాలపరిమితికి వడ్డీ భారం గణనీయంగా పెరుగుతుంది. కాబట్టి మీ నెలవారీ బడ్జెట్కు తగినట్టుగా అత్యల్ప కాలపరిమితిని ఎంచుకోవడమే తెలివైన పని.
ఫ్రీ క్లోజర్ మరియు క్రెడిట్ స్కోర్
చాలామంది లోన్ను ముందుగానే తీర్చేయాలని (Prepayment) చూస్తారు, కానీ కొన్ని బ్యాంకులు దీనికి పెనాల్టీలు విధిస్తాయి. అయితే, ఇండివిడ్యువల్ ఫ్లోటింగ్ రేట్ లోన్స్పై ఫోర్క్లోజర్ ఛార్జీలు వసూలు చేయకూడదని RBI నియమాలు చెబుతున్నాయి. అలాగే, ఒకేసారి పలు బ్యాంకుల వద్ద లోన్ కోసం దరఖాస్తు చేస్తే, అది మీ క్రెడిట్ స్కోర్ను దెబ్బతీస్తుంది. సరైన సమయంలో EMIలు చెల్లించడం వల్ల మీ క్రెడిట్ హిస్టరీ సురక్షితంగా ఉంటుంది.