Cyclone Murasu ప్రభావంతో ఆంధ్రప్రదేశ్ తీరంలో పడవ బోల్తా పడి నలుగురు తమిళనాడు మత్స్యకారులు మృతి చెందారు. మరో ఐదుగురు గల్లంతయ్యారు, వారి కోసం రెస్క్యూ ఆపరేషన్ కొనసాగుతోంది.
ప్రకాశం జిల్లా తీరంలో Cyclone Murasu బీభత్సం సృష్టించింది. సముద్రంలో ఎదురైన తీవ్ర వాతావరణ పరిస్థితుల కారణంగా ఒక ఫిషింగ్ బోటు బోల్తా పడింది. ఈ ప్రమాదంలో నలుగురు మత్స్యకారులు ప్రాణాలు కోల్పోయారు. ప్రస్తుతం గల్లంతైన మరో ఐదుగురు జాలర్ల కోసం భారత తీర రక్షక దళం (Indian Coast Guard) మరియు స్థానిక యంత్రాంగం కలిసి భారీ ఎత్తున గాలింపు చర్యలు చేపడుతున్నాయి.
అసలేం జరిగింది?
ఈ పడవ అక్టోబర్ 29న చెన్నై నుంచి బయలుదేరింది. ముందస్తు హెచ్చరికల నేపథ్యంలో, నవంబర్ 2 వరకు ఈ బోట్లు నిజాంపట్నం, రామాయపట్నం పోర్టుల్లో సురక్షితంగా ఉన్నాయి. అయితే, ఎవరికీ సమాచారం ఇవ్వకుండానే నవంబర్ 3న ఈ పడవ నిజాంపట్నం నుంచి బయలుదేరింది. రామాయపట్నం వైపు వెళ్తుండగా, సైక్లోన్ ఉధృతికి పడవ బోల్తా పడింది.
ప్రస్తుతం ముగ్గురి మృతదేహాలు కొత్తపట్నం వద్ద, మరొకటి గాలింపు చర్యల్లో భాగంగా లభ్యమయ్యాయి. మృతదేహాలను ఒంగోలులోని ప్రభుత్వ జనరల్ ఆసుపత్రికి తరలించారు. తమిళనాడు మరియు ఆంధ్రప్రదేశ్ అధికారులు సమన్వయంతో రెస్క్యూ ఆపరేషన్ నిర్వహిస్తున్నారు. సముద్ర తీర ప్రాంతాల్లో వాతావరణ హెచ్చరికలను ఎంతలా పాటించాలో ఈ ఘటన మరోసారి గుర్తు చేస్తోంది.