మార్చి 2026 నాటికి SIP ఇన్ ఫ్లోలు రికార్డు స్థాయిలో **₹32,087 కోట్ల** మార్కును తాకాయి. ఇప్పుడు **31%** మంది ఇన్వెస్టర్లు తమ పెట్టుబడులను **5 ఏళ్ల** కంటే ఎక్కువ కాలం ఉంచుతున్నారు. అయితే, ఈక్విటీ, స్మాల్-క్యాప్ ఫండ్లపై అతిగా ఆధారపడటం వల్ల కొంత రిస్క్ కూడా ఉందని నిపుణులు హెచ్చరిస్తున్నారు.
భారతీయ రిటైల్ ఇన్వెస్టర్ల ఆలోచనా విధానంలో పెద్ద మార్పు కనిపిస్తోంది. ట్రేడింగ్ మీద ఆసక్తి తగ్గి, దీర్ఘకాలిక సంపద సృష్టి (Long-term wealth creation) వైపు మొగ్గు చూపుతున్నారు. మార్చి 2026 నాటికి SIP ఇన్ ఫ్లోలు ₹32,087 కోట్లకు చేరుకోగా, మొత్తం అసెట్స్ అండర్ మేనేజ్మెంట్ (AUM) ₹14.83 ట్రిలియన్లకు చేరింది. ఈ నిరంతర దేశీయ పెట్టుబడులు ఇండియన్ స్టాక్ మార్కెట్ కు బలమైన వెన్నుముకగా నిలుస్తున్నాయి.
పెట్టుబడుల్లో పెరిగిన స్థిరత్వం
గతంతో పోలిస్తే ఇన్వెస్టర్లు చాలా క్రమశిక్షణతో వ్యవహరిస్తున్నారు. 2021లో కేవలం 12.3% గా ఉన్న 5 ఏళ్ల కంటే ఎక్కువ కాలం పెట్టుబడులను హోల్డ్ చేసే వారి సంఖ్య, ఇప్పుడు 31% కి పెరిగింది. మార్కెట్ టైమింగ్ కోసం చూడకుండా, క్రమం తప్పకుండా SIPలు కట్టడం వల్ల మార్కెట్ ఒడిదుడుకులను తట్టుకునే శక్తి పెరుగుతోంది.
ఈక్విటీపై అతి విశ్వాసం.. రిస్క్ ఏంటి?
ఇన్వెస్టర్లు తమ మ్యూచువల్ ఫండ్ పెట్టుబడుల్లో 79% ఈక్విటీలకే కేటాయిస్తున్నారు. ముఖ్యంగా స్మాల్-క్యాప్ ఫండ్ల పట్ల ఆసక్తి పెరిగి, వాటిలో SIP పెనెట్రేషన్ 55% కి చేరింది. గత ఐదేళ్లలో వీటి అసెట్స్ 5 రెట్లు పెరిగాయి. ఇది మంచి రిటర్న్స్ ఇచ్చినా, మార్కెట్ కరెక్షన్ సమయంలో ఈ పోర్ట్ ఫోలియోలు చాలా సెన్సిటివ్ గా ఉండే ప్రమాదం ఉంది.
గమనించాల్సిన హెచ్చరికలు
మార్కెట్ కండిషన్స్ మారినప్పుడు SIPలను ఆపేయడం లేదా మధ్యలో నిలిపివేసే రేషియో (SIP stoppage ratio) కొన్నిసార్లు 100% దాటుతోంది. గ్లోబల్ అనిశ్చితి, వడ్డీ రేట్ల మార్పులు మార్కెట్ స్థిరత్వంపై ప్రభావం చూపుతున్నాయి. మార్కెట్ ఒత్తిడి ఉన్న సమయాల్లో ఇన్వెస్టర్లు తమ కమిట్ మెంట్ ను ఎలా కాపాడుకుంటారన్నదే ఇప్పుడు అసలైన పరీక్ష.