భార్య హత్య కేసులో ప్రధాన నిందితురాలు సోనమ్ రఘువంశీకి సుప్రీంకోర్టులో ఎదురుదెబ్బ తగిలింది. మేఘాలయలో హనీమూన్ లో భర్తను హత్య చేసిన కేసులో ఆమెకు గతంలో మంజూరైన బెయిల్ను సర్వోన్నత న్యాయస్థానం రద్దు చేసింది. మూడు వారాల్లోగా లొంగిపోవాలని ఆదేశించింది.
Detailed Coverage
హనీమూన్ హత్య కేసులో కీలక మలుపు
భర్త రాజా రఘువంశీ హత్య కేసులో ప్రధాన నిందితురాలిగా ఉన్న సోనమ్ రఘువంశీకి బెయిల్ మంజూరు చేస్తూ దిగువ కోర్టులు ఇచ్చిన తీర్పులను సుప్రీంకోర్టు కొట్టివేసింది. న్యాయమూర్తులు ఎంఎం సుందరేష్, పీబీВరాలేతో కూడిన ధర్మాసనం, సోనమ్ రఘువంశీని మూడు వారాలలోగా ట్రయల్ కోర్టులో లొంగిపోవాలని ఆదేశించింది.
గతంలో షిల్లాంగ్ ట్రయల్ కోర్టు, మేఘాలయ హైకోర్టు సాంకేతిక లోపాల (Technical Grounds) కారణంగా సోనమ్ కు బెయిల్ మంజూరు చేశాయి. అరెస్ట్ మెమోలో సరైన కారణాలు పేర్కొనలేదని, భారతీయ్య న్యాయ సంహిత (BNS)లోని తప్పుడు సెక్షన్ కింద కేసు నమోదు చేశారని కోర్టులు అభిప్రాయపడ్డాయి.
ప్రభుత్వ వాదనతో ఏకీభవించిన సుప్రీంకోర్టు
అయితే, మేఘాలయ ప్రభుత్వం ఈ బెయిల్ ఉత్తర్వులను సుప్రీంకోర్టులో సవాలు చేసింది. అరెస్ట్ సమయంలో జరిగినవి చిన్న చిన్న క్లరికల్ లోపాలేనని, అవి కేసు తీవ్రతను తగ్గించవని, నిందితురాలు తప్పించుకునే అవకాశం ఉందని (Flight Risk) సొలిసిటర్ జనరల్ తుషార్ మెహతా వాదించారు. ఈ వాదనలతో ఏకీభవించిన సుప్రీంకోర్టు, తీవ్రమైన నేరారోపణలున్న కేసుల్లో సాంకేతిక లోపాలు బెయిల్ కు ఆధారం కాలేవని స్పష్టం చేసింది.
కేసు నేపథ్యం, తదుపరి పరిణామాలు
ఇండోర్ కు చెందిన రాజా రఘువంశీ, సోనమ్ దంపతులు గత ఏడాది మే నెలలో మేఘాలయ ట్రిప్ కు వెళ్లినప్పుడు అదృశ్యమయ్యారు. తర్వాత రాజా రఘువంశీ మృతదేహం ఒక లోయలో కనుగొనబడింది. ఆర్థిక లబ్ధి కోసం కొందరు వ్యక్తులతో కలిసి హత్యకు కుట్ర పన్నినట్లు పోలీసులు అనుమానిస్తున్నారు. ఈ కేసులో సోనమ్ రఘువంశీని 2025 జూన్ లో అరెస్ట్ చేశారు.
సుప్రీంకోర్టు ఆదేశాల ప్రకారం సోనమ్ మళ్లీ జైలుకు వెళ్లాల్సి ఉన్నా, భవిష్యత్తుకు ఒక వెసులుబాటు కల్పించింది. విచారణ సక్రమంగా, వేగంగా జరగకపోతే, ఆరు నెలల తర్వాత ఆమె మళ్లీ బెయిల్ కోసం దరఖాస్తు చేసుకోవచ్చని ధర్మాసనం సూచించింది. ప్రస్తుతానికి, కేసు విచారణ మళ్లీ ట్రయల్ కోర్టు పరిధిలోకి వెళ్లింది.