కేరళలో తన మైనర్ కుమారుడు నడిపిన Mercedes-Benz కారుతో జరిగిన ప్రమాదంలో ఒక వ్యక్తి మరణించడంతో, సంబంధిత జడ్జి ముందస్తు బెయిల్ కోసం దరఖాస్తు చేసుకున్నారు. ఈ ఘటనపై పోలీసుల తీరుపై విమర్శలు రావడంతో విచారణను డిస్ట్రిక్ట్ క్రైమ్ బ్రాంచ్‌కు బదిలీ చేశారు.
కేరళలో ఒక జడ్జికి చెందిన లగ్జరీ Mercedes-Benz కారుతో జరిగిన ప్రమాదం తీవ్ర సంచలనం సృష్టిస్తోంది. ఈ ఘటనలో 55 ఏళ్ల జయబాలకృష్ణన్ అనే వ్యక్తి స్కూటర్‌పై వెళ్తుండగా, జడ్జి కుమారుడు నడిపిన కారు వెనుక నుంచి బలంగా ఢీకొట్టింది. ఈ ప్రమాదంలో ఆయన అక్కడికక్కడే మరణించారు. దీనిపై జడ్జి స్పందిస్తూ, తన కుమారుడు కారు తీసుకువెళ్లిన విషయం తనకు తెలియదని, ప్రమాదం జరిగిన తర్వాతే ఫోన్ కాల్ ద్వారా తెలిసిందని పేర్కొన్నారు.
ప్రభుత్వ సీరియస్
ఈ కేసులో స్థానిక పోలీసుల తీరు పారదర్శకంగా లేదని ఆరోపణలు రావడంతో ప్రభుత్వం రంగంలోకి దిగింది. హోం మంత్రి రమేష్ చెన్నితాల అసెంబ్లీలో మాట్లాడుతూ, పోలీసులు మొదట కేవలం బెయిలబుల్ సెక్షన్ల కింద మాత్రమే కేసు నమోదు చేయడంపై అభ్యంతరం వ్యక్తం చేశారు. జువైనల్ జస్టిస్ బోర్డు మైనర్‌కు బెయిల్ ఇవ్వడాన్ని కూడా ప్రభుత్వం తప్పుబట్టింది. ఈ బెయిల్‌ను రద్దు చేయాలని డీజీపీని ఆదేశించింది.
చట్టపరమైన చిక్కులు
ప్రస్తుతం ఈ కేసు Motor Vehicles Act సెక్షన్ 199A కింద నమోదు చేయబడింది. మైనర్లు వాహనాలు నడిపి ప్రమాదాలు చేసినప్పుడు, వాహన యజమాని లేదా సంరక్షకులు బాధ్యత వహించాలనే నిబంధన ప్రకారం జడ్జిని నిందితుడిగా చేర్చారు. విచారణ పారదర్శకంగా ఉండాలనే ఉద్దేశంతో కేసును డిస్ట్రిక్ట్ క్రైమ్ బ్రాంచ్‌కు బదిలీ చేశారు. కేరళ హైకోర్టు జడ్జిపై చర్యలు తీసుకునేందుకు పోలీసులకు అనుమతి ఇచ్చింది. జడ్జిపై సస్పెన్షన్ వేటు వేసే అవకాశం కూడా ఉందని ప్రభుత్వం స్పష్టం చేసింది.