అమెరికాలోని ఇల్లినాయిస్‌లో ఉన్న ఒక హిందూ ఆలయంపై మాస్ షూటింగ్ జరపాలని ప్లాన్ చేసిన 19 ఏళ్ల Alexandros Paporakisను పోలీసులు అరెస్టు చేశారు. తుపాకీ పనిచేయకపోవడంతో ఘోర ప్రమాదం తప్పింది.
అమెరికాలోని ఇల్లినాయిస్ రాష్ట్రం, పాలటైన్ ప్రాంతంలో ఓ షాకింగ్ ఘటన వెలుగుచూసింది. 19 ఏళ్ల Alexandros Paporakis అనే యువకుడు హిందూ ఆలయాన్ని లక్ష్యంగా చేసుకుని భారీ దాడికి ప్లాన్ చేశాడు. అతడు అత్యాధునిక AR-స్టైల్ రైఫిల్, బుల్లెట్ ప్రూఫ్ జాకెట్, మరియు భారీగా మందుగుండు సామగ్రితో ఆలయం వద్దకు చేరుకున్నాడు. అయితే, దురదృష్టవశాత్తూ (నిందితుడికి) తన తుపాకీ మొరాయించడంతో అతడు వెనక్కి తగ్గాల్సి వచ్చింది. ఆ సమయంలో తన పరిచయస్తుడికి పంపిన మెసేజ్ ల ద్వారా పోలీసులు నిందితుడిని గుర్తించి వేగంగా అరెస్టు చేశారు.
నిందితుడి లక్ష్యం ఏంటి?
విచారణలో నిందితుడికి తీవ్రవాద భావజాలం ఉన్నట్లు తేలింది. దక్షిణ ఆసియా, భారతీయ సంతతి ప్రజలను లక్ష్యంగా చేసుకుని దాడులు చేయాలని నిందితుడు ప్లాన్ చేసినట్లు ఆధారాలు దొరికాయి. ప్రస్తుతం నిందితుడు Cook County కోర్టులో విచారణను ఎదుర్కొంటున్నాడు.
భద్రతపై ఆందోళన
ప్రస్తుతం నవరాత్రి, దుర్గా పూజ వంటి పండుగల సమయం కావడంతో, ఈ ఘటన ఇండియన్ డయాస్పోరాలో ఆందోళన రేకెత్తించింది. FBI ప్రస్తుతం ఈ కేసుకు సంబంధించి నిందితుడి ఎలక్ట్రానిక్ కమ్యూనికేషన్స్, ఇతర తీవ్రవాద నెట్‌వర్క్‌లతో సంబంధాలను ఆరా తీస్తోంది. స్థానిక పోలీసులు మరియు ఎఫ్‌బిఐ సంయుక్తంగా దర్యాప్తును కొనసాగిస్తున్నాయి.