నేషనల్ మెడికల్ కమిషన్ (NMC) వైద్య రంగంలో అడ్వర్టైజింగ్ నిబంధనలను కఠినతరం చేసింది. AI ద్వారా ఫేక్ టెస్టిమోనియల్స్ సృష్టించడం, సెర్చ్ ఇంజిన్ ర్యాంకింగ్స్‌ను మానిప్యులేట్ చేయడంపై అక్టోబర్ 6, 2026 నుంచి పూర్తి నిషేధం విధిస్తున్నట్లు ప్రకటించింది.
వైద్య రంగంలో పారదర్శకతను పెంచేందుకు నేషనల్ మెడికల్ కమిషన్ (NMC) సరికొత్త ఎథికల్ గైడ్‌లైన్స్‌ను అమల్లోకి తెచ్చింది. ఇకపై ఆస్పత్రులు, వైద్యులు తమ సేవలను ప్రచారం చేసుకునే విధానంలో భారీ మార్పులు రానున్నాయి.
AI కి చెక్.. మానిప్యులేషన్‌కు బ్రేక్
టెక్నాలజీ సాయంతో కృత్రిమంగా సృష్టించిన రోగుల టెస్టిమోనియల్స్, సింథటిక్ వాయిస్‌లు, తప్పుడు క్లినికల్ ఫలితాలను వాడకూడదని NMC స్పష్టం చేసింది. ఇక సెర్చ్ ఇంజిన్లలో తమ ర్యాంకింగ్‌ను పెంచుకోవడానికి పెయిడ్ SEO పద్ధతులను వాడటం, రోగులను ఆకర్షించడానికి 'బెస్ట్', 'నెంబర్ వన్' వంటి పదాలను వాడటంపై కూడా నిషేధం విధించారు.
ఆకర్షణీయమైన ఆఫర్లకు నో ఎంట్రీ
డిస్కౌంట్ కూపన్లు, గిఫ్ట్ ప్యాకేజీలు, రిఫరల్ బోనస్‌లు వంటి గిమ్మిక్కులకు ఇక స్వస్తి పలకాల్సిందే. ఒకవేళ ఇవి వాడాలంటే అందుకు తగిన బలమైన, ధృవీకరించదగిన డేటా ఉండాలని నిబంధనలు చెబుతున్నాయి.
నిబంధనలు అతిక్రమిస్తే రిస్క్ ఏంటి?
ఈ కొత్త రూల్స్ పాటించని ఆస్పత్రులు, వైద్యులపై కఠిన చర్యలు ఉంటాయి. మొదటిసారి తప్పు చేస్తే వార్నింగ్ ఇవ్వడం లేదా ట్రైనింగ్ తీసుకోవాలని సూచిస్తారు. కానీ, పదే పదే ఇలాంటి పనులు చేస్తే 3 నెలల నుంచి 1 ఏడాది వరకు మెడికల్ లైసెన్స్ సస్పెన్షన్, భారీ జరిమానాలు, చివరికి 3 ఏళ్ల వరకు మెడికల్ రిజిస్టర్ నుంచి పేరు తొలగించే అవకాశం కూడా ఉంది. ఇన్వెస్టర్లు ఇకపై హాస్పిటల్ చైన్స్ మార్కెటింగ్ ఖర్చుల విషయంలో అప్రమత్తంగా ఉండాలి.