McKinsey & Company తాజా నివేదిక ప్రకారం, ఆర్టిఫిషియల్ ఇంటెలిజెన్స్ (AI) వల్ల ఆయిల్ & గ్యాస్ అప్స్ట్రీమ్ కంపెనీలు ఏటా **$230 బిలియన్ల** మేర విలువను సృష్టించవచ్చు. అయితే, ఈ మార్పు సాంప్రదాయ ఆయిల్ ఫీల్డ్ సర్వీస్ కంపెనీలకు ఆదాయ గండంగా మారే అవకాశం ఉంది.
అప్స్ట్రీమ్ ఆయిల్ అండ్ గ్యాస్ రంగం ఇప్పుడు భారీ మార్పుకు సిద్ధమవుతోంది. ప్రయోగాత్మక దశ నుంచి పూర్తిస్థాయి ఆటోమేషన్ వైపు ఏఐ అడుగులు వేస్తోంది. McKinsey & Company నివేదిక ప్రకారం, ఈ రంగంలో ఏఐ ద్వారా ఏటా $230 బిలియన్ల విలువను అన్లాక్ చేయవచ్చని అంచనా.
వృద్ధి బాట ఇలా..
ఈ వృద్ధి దశలవారీగా ఉంటుంది. ప్రస్తుతం అందుబాటులో ఉన్న టెక్నాలజీతో $65 బిలియన్లు, దీనిని స్కేల్ చేయడం ద్వారా $125 బిలియన్లు, చివరికి పూర్తిస్థాయి మెచ్యూరిటీకి చేరుకున్నప్పుడు $230 బిలియన్ల మార్కును అందుకోవచ్చు. అయితే, దీని కోసం ఏటా $30 బిలియన్లకు పైగా పెట్టుబడిని కంప్యూటింగ్ పవర్, టాలెంట్, డేటా ఇన్ఫ్రాస్ట్రక్చర్పై ఖర్చు చేయాల్సి ఉంటుంది. అంతేకాదు, ఏఐ-ఆధారిత అన్వేషణ (Exploration) పద్ధతుల వల్ల రిజర్వ్ అసెస్మెంట్లో ఏటా $35 బిలియన్ల మేర విలువ పెరుగుతుందని నివేదిక స్పష్టం చేసింది.
ఇన్వెస్టర్లు గమనించాల్సింది..
ఏఐ వల్ల వచ్చే లాభాల్లో 50% కేవలం 10 ముఖ్యమైన అంశాల (ప్రొడక్షన్ ఆప్టిమైజేషన్, డ్రిల్లింగ్ ఎఫిషియెన్సీ, ప్రిడిక్టివ్ మెయింటెనెన్స్)పైనే ఆధారపడి ఉన్నాయి. చిన్న చిన్న ప్రయోగాల కంటే ఈ కీలక విభాగాలపై ఫోకస్ పెట్టే కంపెనీలకే ఎక్కువ రిటర్న్స్ వస్తాయి.
సర్వీస్ కంపెనీలకు ఇబ్బందులు?
ఈ పరిణామం ఆయిల్ ఫీల్డ్ సర్వీస్ అండ్ ఎక్విప్మెంట్ సంస్థలకు పెద్ద రిస్క్. ఇప్పటివరకు ఇవి హవర్లీ లేదా యాక్టివిటీ బేస్డ్ బిల్లింగ్పై ఆధారపడుతున్నాయి. కానీ ఏఐ వల్ల ఉత్పత్తి సామర్థ్యం పెరిగి, తక్కువ వనరులతో ఎక్కువ అవుట్పుట్ వస్తుంది. దీనివల్ల సర్వీస్ డిమాండ్ తగ్గి, సుమారు $60 బిలియన్ల పరిశ్రమ ఆదాయం ప్రమాదంలో పడే అవకాశం ఉందని McKinsey హెచ్చరిస్తోంది. ఇకపై సర్వీస్ కంపెనీలు తమ బిజినెస్ మోడల్స్ను మార్చుకుని, పనితీరు ఆధారిత (Performance-based) ఒప్పందాలకు మొగ్గు చూపక తప్పదు.