Ministry of Power, 'National Electricity Policy 2026' ముసాయిదాను కేంద్ర క్యాబినెట్ ఆమోదం కోసం పంపింది. 2005 తర్వాత వస్తున్న అతిపెద్ద మార్పు ఇదే. గ్రిడ్ స్థిరత్వం, రెన్యూవబుల్ ఎనర్జీ మరియు స్మార్ట్ మీటర్ల తయారీపై ప్రభుత్వం ప్రత్యేక దృష్టి సారించింది.
దాదాపు రెండు దశాబ్దాల తర్వాత, అంటే 2005 నాటి పాత పాలసీని పూర్తిగా ప్రక్షాళన చేస్తూ National Electricity Policy 2026 ని ప్రభుత్వం సిద్ధం చేసింది. ప్రస్తుతం ఈ డ్రాఫ్ట్ కేంద్ర క్యాబినెట్ పరిశీలనలో ఉంది. ఇది కేవలం విద్యుత్ సరఫరాకు మాత్రమే పరిమితం కాకుండా, ఆధునిక గ్రిడ్ సవాళ్లను అధిగమించేలా రూపొందించబడింది.
గ్రిడ్ స్టెబిలిటీపై ఫోకస్
ప్రభుత్వ అధికారులు గ్రిడ్ సామర్థ్యం వినియోగాన్ని 60% కి పరిమితం చేయాలని చూస్తున్నారు. రెన్యూవబుల్ ఎనర్జీ సోర్సెస్ వాడకం పెరిగిన నేపథ్యంలో, నిరంతరం పీక్ లెవల్ పనితీరు సాధ్యం కాదని ఈ నిర్ణయం తీసుకున్నారు. దీనివల్ల Power Grid Corporation of India వంటి సంస్థలకు భారీగా క్యాపిటల్ ఖర్చులు (Capex) అవసరమయ్యే అవకాశం ఉంది.
స్మార్ట్ మీటర్ల తయారీకి ప్రోత్సాహం
ఇతర దేశాల నుంచి దిగుమతి చేసుకునే చిప్లపై ఆధారపడకుండా, దేశీయంగానే స్మార్ట్ మీటర్ల తయారీకి ప్రభుత్వం పెద్దపీట వేస్తోంది. ఇది Genus Power Infrastructures మరియు HPL Electric & Power వంటి కంపెనీలకు లాభదాయకంగా మారే ఛాన్స్ ఉంది. డిజిటల్ మౌలిక సదుపాయాల్లో స్థానిక తయారీకి ప్రాధాన్యతనిస్తూ ప్రభుత్వం ఈ కొత్త అడుగు వేసింది.
బొగ్గుకు ప్రాధాన్యత తగ్గట్లేదు
సెప్టెంబర్లో విద్యుత్ డిమాండ్ 14% పెరిగింది. దీనిని బట్టి చూస్తే రెన్యూవబుల్ ఎనర్జీ వైపు వెళ్తున్నా, బొగ్గు ఆధారిత విద్యుత్ కేంద్రాలే ఇప్పటికీ ప్రధాన ఆధారం. NTPC మరియు Coal India సంస్థలు ఎనర్జీ ట్రాన్సిషన్ సమయంలో కీలకంగా వ్యవహరించనున్నాయి. విద్యుత్ ప్లాంట్లకు ఎటువంటి ఇబ్బంది లేకుండా రోజూ 440 కి పైగా రైల్ రేకులతో బొగ్గును సరఫరా చేస్తూ, ఫ్యూయల్ సెక్యూరిటీని ప్రభుత్వం బలోపేతం చేస్తోంది.