లాజిస్టిక్ సమస్యల కారణంగా Indian Oil Refiners రష్యా నుండి క్రూడ్ ఆయిల్ దిగుమతులను తగ్గిస్తున్నాయి. ఇకపై రష్యాకు బదులుగా వెస్ట్ ఆఫ్రికా, అమెరికా మరియు వెనిజులా నుండి సరఫరాలను పెంచుకోవాలని కంపెనీలు ప్లాన్ చేస్తున్నాయి.
ప్రస్తుతం ఇండియన్ రిఫైనర్లు తమ ముడిచమురు సేకరణ వ్యూహాలను పూర్తిగా మారుస్తున్నారు. జూన్-జూలై నెలల్లో రష్యా నుండి రోజుకు 2.7 మిలియన్ బ్యారెళ్ల క్రూడ్ దిగుమతి కాగా, ఇప్పుడు అది 1.8 నుండి 2.0 మిలియన్ బ్యారెళ్లకు పడిపోయే అవకాశం ఉంది. రష్యాలోని మౌలిక సదుపాయాలపై దాడులు మరియు చైనా కంపెనీల నుండి పెరుగుతున్న పోటీ కారణంగా ఈ మార్పు అనివార్యమైంది.
ఎవరిపై ప్రభావం పడుతుంది?
Indian Oil Corp., Hindustan Petroleum, మరియు Mangalore Refinery and Petrochemicals Ltd. వంటి దిగ్గజ సంస్థలు ఇప్పుడు వెస్ట్ ఆఫ్రికా, అమెరికా మరియు వెనిజులా వైపు చూస్తున్నాయి. అయితే, రష్యా నుంచి వచ్చే షార్ట్-హాల్ రూట్లతో పోలిస్తే, పశ్చిమ దేశాల నుండి రవాణా ఖర్చులు, సమయం చాలా ఎక్కువగా ఉంటాయని నిపుణులు చెబుతున్నారు.
తగ్గుతున్న మార్జిన్లు
గత రెండేళ్లుగా రష్యన్ ఆయిల్ డిస్కౌంట్ రూపంలో రిఫైనర్లకు భారీ లాభాలను అందించింది. కానీ మే 2024 తర్వాత తొలిసారిగా, రష్యన్ క్రూడ్ 'Dated Brent' ధర కంటే ప్రీమియంకు చేరుకుంది. డిస్కౌంట్లు కనుమరుగువ్వడం మరియు పెరుగుతున్న లాజిస్టిక్స్ ఖర్చులు కంపెనీల Net Profit మార్జిన్లపై ఒత్తిడి తీసుకువచ్చే ప్రమాదం ఉంది.
రాబోయే క్వార్టర్లలో రిఫైనరీల పనితీరు, ఆపరేషనల్ క్యాష్ ఫ్లో మరియు పెరిగిన భారాన్ని కన్స్యూమర్లపై వేస్తారా లేదా అనేదే ఇప్పుడు ఇన్వెస్టర్ల ముందున్న ప్రధాన ప్రశ్న.