Odisha ప్రభుత్వం కీలక నిర్ణయం తీసుకుంది. ఎక్సైజ్ పాలసీ 2026-2029లో భాగంగా రాష్ట్రంలో కొత్త మద్యం షాపుల ఏర్పాటుపై మూడేళ్ల పాటు నిషేధం విధిస్తున్నట్లు ప్రకటించింది.
Odisha ప్రభుత్వం తీసుకున్న ఈ నిర్ణయం ఏప్రిల్ 1, 2026 నుంచి మార్చి 31, 2029 వరకు అమల్లో ఉంటుంది. కొత్తగా మద్యం దుకాణాలు (OFF shops), కంట్రీ లిక్కర్ అవుట్‌లెట్‌లు ఏర్పాటు చేయకూడదని నిబంధనలు కఠినతరం చేశారు. దీనివల్ల రాష్ట్రవ్యాప్తంగా రిటైల్ విస్తరణకు తాత్కాలికంగా ఫుల్ స్టాప్ పడింది.
వ్యాపార రంగంపై ఎఫెక్ట్
ప్రస్తుతం నడుస్తున్న మద్యం షాపులు కొనసాగినప్పటికీ, కొత్తగా రెస్టారెంట్లు లేదా బార్ల (ON-premise) లైసెన్స్‌లకు సంబంధించి కఠినమైన ఆంక్షలు విధించారు. కేవలం హై-ఎండ్ హోటళ్లు, ఇండస్ట్రియల్ జోన్‌లలో ఉన్న క్లబ్‌లకు మాత్రమే మినహాయింపు ఉంటుంది. అంతేకాకుండా, గతంలో అమలులో ఉన్న హోమ్ డెలివరీ విధానాన్ని పూర్తిగా రద్దు చేస్తున్నట్లు ప్రభుత్వం స్పష్టం చేసింది.
ఫైనాన్షియల్ ఇంపాక్ట్
ఈ కొత్త పాలసీలో ఆర్థిక భారం పెరిగేలా కొన్ని కీలక మార్పులు చోటుచేసుకున్నాయి:
- అప్లికేషన్ ఫీజుపై 10% పెంపు.
- వార్షిక లైసెన్స్ ఫీజులో 10% నుంచి 20% వరకు పెరుగుదల.
- డీ-అడిక్షన్ సెంటర్ల కోసం ఎక్సైజ్ డ్యూటీపై 0.5% సెస్ విధింపు.
గతంలో ఉన్న 'మినిమం గ్యారెంటీడ్ క్వాంటిటీ' విధానాన్ని మార్చి, ఇప్పుడు 'మినిమం గ్యారెంటీడ్ ఎక్సైజ్ రెవెన్యూ' వ్యవస్థను ప్రవేశపెట్టారు. దీనివల్ల రాష్ట్ర ప్రభుత్వానికి ఆదాయం స్థిరంగా వస్తుందని అంచనా. అయితే, ఈ ఆంక్షలు రిటైల్ ఆపరేటర్ల లాభాలపై ఒత్తిడి పెంచే అవకాశం ఉందని మార్కెట్ నిపుణులు భావిస్తున్నారు.