ప్రముఖ ఆర్థికవేత్త Jeffrey Sachs కీలక అంచనా వేశారు. జనాభా వృద్ధిని బట్టి చూస్తే, 2100 నాటికి భారత్ ప్రపంచంలోనే అతిపెద్ద ఆర్థిక శక్తిగా ఎదిగే అవకాశం ఉందని ఆయన పేర్కొన్నారు.
ప్రముఖ ఆర్థికవేత్త Jeffrey Sachs ఇటీవల వారణాసిలో జరిగిన 'Ancient Wisdom for Modern Challenges' సదస్సులో భారత ఆర్థిక భవిష్యత్తుపై ఆసక్తికర వ్యాఖ్యలు చేశారు. శతాబ్దం ముగిసే సమయానికి భారత్ జనాభా చైనా కంటే రెట్టింపు అయ్యే అవకాశం ఉందని, ఈ జనాభా లబ్ధి (Demographic Dividend) భారత్ ప్రపంచంలోనే అగ్రగామిగా నిలవడానికి ప్రధాన కారణం కానుందని ఆయన విశ్లేషించారు.
గెలుపుకు ఉన్న కండిషన్స్ ఇవే..
ఈ అంచనా వాస్తవం కావాలంటే కేవలం జనాభా ఉంటే సరిపోదని, కొన్ని కీలక రంగాల్లో భారీగా పెట్టుబడులు పెట్టాల్సి ఉంటుందని Sachs స్పష్టం చేశారు:
- విద్య (Education): నాణ్యమైన విద్యపై పెట్టుబడులు పెంచాలి.
- మౌలిక సదుపాయాలు (Infrastructure): రోడ్లు, ఓడరేవులు, ఎనర్జీ మరియు డిజిటల్ కనెక్టివిటీ రంగాల్లో ఆధునీకరణ వేగవంతం చేయాలి.
- క్లైమేట్ సేఫ్టీ: పర్యావరణ పరిరక్షణతో కూడిన సుస్థిర అభివృద్ధిని సాధించాలి.
ఇన్వెస్టర్లు ఏమి గమనించాలి?
GDP పెరుగుదల అంటే ప్రజల తలసరి ఆదాయం పెరుగుదల అని కాదని Sachs గుర్తుచేశారు. ఇన్వెస్టర్లు దీర్ఘకాలంలో భారత మార్కెట్ వైపు చూస్తున్నప్పుడు, దేశీయ వినియోగం (Domestic Consumption) మరియు మధ్యతరగతి వర్గాల కొనుగోలు శక్తి ఎలా మారుతుందో నిశితంగా గమనించాలి. గ్లోబల్ జాగ్రోలిటికల్ మార్పులను భారత్ ఎలా హ్యాండిల్ చేస్తుంది మరియు అంతర్జాతీయ వాణిజ్య సంబంధాలను ఏ విధంగా బలోపేతం చేసుకుంటుంది అనేది మన మార్కెట్ల గమనాన్ని నిర్దేశిస్తుంది. మొత్తానికి, భారత్ కేవలం ఆర్థిక పరిమాణంలోనే కాకుండా, ప్రపంచ క్రమంలో ఒక 'బ్రిడ్జ్'గా ఎదిగే అవకాశం ఉందని ఆయన అభిప్రాయపడ్డారు.