గ్లోబల్ మార్కెట్ల నుండి అందుతున్న నెగటివ్ సంకేతాలు, పెరుగుతున్న ఇంధన ధరల ప్రభావంతో నేడు Indian Markets నష్టాలతో ప్రారంభమయ్యే అవకాశం ఉంది. దీనికి తోడు, US ప్రభుత్వం విధించిన కొత్త టారిఫ్స్, ప్రధాన కంపెనీల కీలక నిర్ణయాలు ఇన్వెస్టర్లలో ఆందోళన కలిగిస్తున్నాయి.
ప్రపంచవ్యాప్తంగా నెలకొన్న అనిశ్చితి, ఆసియా మార్కెట్ల బలహీనత నేడు మన దేశీ మార్కెట్లపై ప్రభావం చూపుతున్నాయి. ముఖ్యంగా భౌగోళిక పరిస్థితుల కారణంగా బ్రెంట్ క్రూడ్ ఆయిల్ ధర బ్యారెల్కు $106.90 కి చేరడం మార్కెట్ సెంటిమెంట్ను దెబ్బతీసింది.
ఫార్మా రంగానికి షాక్
US కామర్స్ డిపార్ట్మెంట్ భారత్ నుండి దిగుమతి అయ్యే కొన్ని మందులు మరియు ముడి పదార్ధాలపై 100% టారిఫ్లను విధించింది. ఇది సెప్టెంబర్ 29 నుండి అమలులోకి రానుంది. అమెరికా మార్కెట్ పై ఎక్కువగా ఆధారపడిన ఫార్మా కంపెనీల ప్రాఫిట్ మార్జిన్స్పై ఇది తీవ్ర ప్రభావం చూపే అవకాశం ఉందని అనలిస్టులు హెచ్చరిస్తున్నారు.
కార్పొరేట్ అప్డేట్స్
- Adani Group: SEBI తో జరిగిన సెటిల్మెంట్ కోసం గౌతమ్ అదానీ నేతృత్వంలోని నాలుగు కంపెనీలు ₹1.48 కోట్ల మొత్తాన్ని చెల్లించాయి.
- Ola Electric: కంపెనీ తన లిక్విడిటీని పెంచుకోవడానికి ₹1,000 కోట్ల విలువైన రైట్స్ ఇష్యూని ప్రకటించింది.
- Tata Sons: టాటా ట్రస్ట్స్ కీలక నిర్ణయం తీసుకుంది. టాటా సన్స్ యొక్క నిర్వహణ నిర్మాణంలో మార్పులు చేసేందుకు ప్రతిపాదనలు సిద్ధం చేసింది.
టెలికాం & కన్స్యూమర్ రంగం
TRAI డేటా ప్రకారం, ఆగస్టులో రిలయన్స్ జియో 24 లక్షల మంది కొత్త యూజర్లను చేర్చుకుంది. అదే సమయంలో భారతీ ఎయిర్టెల్ 21.1 లక్షల మందిని, వొడాఫోన్ ఐడియా 5.06 లక్షల మందిని యాడ్ చేసుకున్నాయి. మరోవైపు, ITC తన హెల్త్-ఫుడ్ బిజినెస్ను పటిష్టం చేసుకునే క్రమంలో 'Sproutlife' లో పూర్తి వాటాను కొనుగోలు చేస్తోంది. అలాగే Radico Khaitan తన లగ్జరీ బ్రాండ్లను యూకే లోని కీలక విమానాశ్రయాల్లో ప్రవేశపెడుతోంది.