భారత్ మరియు మెక్సికో దేశాల మధ్య అక్టోబర్ ప్రారంభంలో కీలకమైన 'ప్రెఫరెన్షియల్ ట్రేడ్ అగ్రిమెంట్' జరగనుంది. దీనివల్ల ఆటోమొబైల్, ఫార్మా రంగాలకు చెందిన ఎగుమతిదారులపై ఉన్న భారీ దిగుమతి సుంకాల భారం తగ్గనుంది.
భారతీయ ఎగుమతిదారులకు, ముఖ్యంగా ఆటోమొబైల్, ఫార్మాస్యూటికల్ మరియు ఇంజనీరింగ్ రంగాల్లో ఉన్న వారికి ఇది ఒక బిగ్ అప్డేట్. మెక్సికో ఇటీవల సుమారు 1,400 ఉత్పత్తుల కేటగిరీలపై 50% వరకు దిగుమతి సుంకాలను పెంచింది. దీనివల్ల భారతీయ కంపెనీలు అంతర్జాతీయ మార్కెట్లో పోటీ పడటం కష్టతరంగా మారింది. ఇప్పుడు రాబోయే ఈ ఒప్పందం ఆ సుంకాల నుంచి ఒక 'ఎక్స్కేప్ రూట్'గా పనిచేయనుంది.
నార్త్ అమెరికాకు గేట్వే
ఈ ఒప్పందం కేవలం మెక్సికోకే పరిమితం కాదు. మెక్సికో ప్రస్తుతం USMCA (United States-Mexico-Canada Agreement) ప్రాంతంలో కీలక హబ్గా ఉంది. అమెరికా మార్కెట్లోకి ప్రవేశించడానికి మెక్సికోను ఒక మ్యానుఫ్యాక్చరింగ్ హబ్గా వాడుకోవాలని చూస్తున్న గ్లోబల్ కంపెనీలకు ఇది ఒక గేట్వేగా మారుతుంది. భారతీయ కంపెనీలు ఇప్పుడు సులభంగా తమ సప్లై చైన్ను అక్కడి మ్యానుఫ్యాక్చరింగ్ ఎకోసిస్టమ్తో అనుసంధానం చేసుకునే అవకాశం ఉంది.
వాణిజ్య గణాంకాలు
2025-26 ఆర్థిక సంవత్సరంలో రెండు దేశాల మధ్య ద్వైపాక్షిక వాణిజ్యం $7.83 బిలియన్లకు చేరుకుంది. ప్రస్తుతం భారత్ వాణిజ్య మిగులును (Trade Surplus) కలిగి ఉంది. కేవలం సుంకాలే కాకుండా, ఇంజనీరింగ్ గూడ్స్ మరియు టెక్స్టైల్స్ ఎగుమతుల్లో ఇబ్బంది కలిగిస్తున్న కస్టమ్స్ క్లియరెన్స్ వంటి నాన్-టారిఫ్ అడ్డంకులను తొలగించడంపై కూడా ఈ ఒప్పందం దృష్టి సారించనుంది.
ఇన్వెస్టర్లు గమనించాల్సిన విషయం ఏమిటంటే, అక్టోబర్లో జరగబోయేది కేవలం 'టర్మ్స్ ఆఫ్ రిఫరెన్స్' మాత్రమే. ఫైనల్ అగ్రిమెంట్ లో ఏయే వస్తువులకు టారిఫ్ రిలీఫ్ లభిస్తుంది, అది కంపెనీల మార్జిన్లను ఎంతవరకు పెంచుతుందనేది రాబోయే త్రైమాసికాల్లో చూడాల్సి ఉంది.