Ministry of Statistics and Programme Implementation ఇకపై District Domestic Product (DDP) లెక్కలను పక్కాగా సిద్ధం చేసేందుకు కొత్త మార్గదర్శకాలను విడుదల చేసింది. రాష్ట్రాల స్థాయి నుంచి జిల్లాల స్థాయికి ఆర్థిక డేటా పరిమితం కావడం వల్ల, ఏ ప్రాంతంలో వృద్ధి వేగంగా ఉంది, ఎక్కడ వెనుకబడి ఉన్నామనేది స్పష్టంగా తెలుస్తుంది.
ఇకపై లోతైన విశ్లేషణ..
గతంలో రాష్ట్రాల వారీగా Gross State Domestic Product (GSDP) ఆధారంగానే ఆర్థిక పురోగతిని కొలిచేవారు. కానీ, రాష్ట్రం మొత్తం వృద్ధి 8% ఉన్నా, అందులో ఏ జిల్లా ఎంత సహకరిస్తుందో తెలియడం కష్టమయ్యేది. ఇప్పుడు కొత్తగా తీసుకొచ్చిన DDP గైడ్లైన్స్తో దేశంలోని 750 జిల్లాల పనితీరును పక్కాగా మానిటర్ చేయవచ్చు.
ఎందుకు ఈ మార్పు?
ప్రస్తుత అంచనాల ప్రకారం, దేశ జీడీపీలో 50% వాటా కేవలం 5 రాష్ట్రాల నుంచే వస్తోంది. మరీ లోతుగా చూస్తే, కేవలం 100 జిల్లాలు దేశ మొత్తం జీడీపీలో 85%, ఎగుమతుల్లో 87% వాటాను కలిగి ఉన్నాయి. అంటే ఆర్థిక వృద్ధి అంతా కొన్ని ప్రత్యేక పారిశ్రామిక హబ్లకే పరిమితమైంది. ఈ అసమానతలను తొలగించి, వెనుకబడిన జిల్లాల్లో కూడా మౌలిక వసతులు, పరిశ్రమలను ప్రోత్సహించేందుకు ఈ డేటా ఒక 'డయాగ్నస్టిక్ టూల్'గా పనిచేస్తుంది.
ఇన్వెస్టర్లకు దీని వల్ల లాభమేంటి?
ఇకపై ఇన్వెస్టర్లు ఏ జిల్లాలో పారిశ్రామిక కారిడార్లు బలంగా ఉన్నాయి, ఎక్కడ మౌలిక సదుపాయాల కల్పన వేగంగా జరుగుతుందో సులభంగా గుర్తించవచ్చు. ప్రభుత్వం 2047 లక్ష్యంతో ముందుకు వెళ్తున్న తరుణంలో, ఈ డేటా పబ్లిక్ స్పెంటింగ్ (Public Spending) ఎటువైపు మళ్లుతుందో సూచించే సంకేతం. అంటే ఏ జిల్లాలో భూముల ధరలు, ఇండస్ట్రియల్ యాక్టివిటీ పెరిగే అవకాశం ఉందో ముందే అంచనా వేయడానికి ఇన్వెస్టర్లకు ఇది ఒక మంచి మానిటరింగ్ టూల్ కానుంది.