కేంద్ర ఆర్థిక మంత్రి నిర్మలా సీతారామన్ నేతృత్వంలో జరిగిన 30వ FSDC సమావేశంలో పలు కీలక నిర్ణయాలు తీసుకున్నారు. ఫైనాన్షియల్ సెక్టార్‌లో AI వల్ల ఎదురయ్యే రిస్కులు, బ్యాంకుల సైబర్ సెక్యూరిటీ మరియు ఫారిన్ ఇన్వెస్టర్ల కోసం డిజిటల్ KYC సరళీకరణపై ప్రత్యేక దృష్టి పెట్టారు.
న్యూఢిల్లీలో జరిగిన 30వ ఫైనాన్షియల్ స్టెబిలిటీ అండ్ డెవలప్‌మెంట్ కౌన్సిల్ (FSDC) సమావేశం బ్యాంకింగ్ రంగంపై భారీ ప్రభావం చూపేలా ఉంది. ఆర్థిక మంత్రి నిర్మలా సీతారామన్ అధ్యక్షతన జరిగిన ఈ సమావేశంలో.. ఆర్టిఫిషియల్ ఇంటెలిజెన్స్ (AI) వాడకం పెరగడం వల్ల తలెత్తే సవాళ్లు, గ్లోబల్ జాగ్రఫీ పరిస్థితులపై సుదీర్ఘంగా చర్చించారు.
సైబర్ భద్రతే ప్రాధాన్యత
బ్యాంకింగ్ వ్యవస్థను మరింత పటిష్టం చేసేందుకు 'యూనిఫైడ్ ఫైనాన్షియల్ సెక్టర్ సైబర్ సెక్యూరిటీ స్ట్రాటజీ' ని ప్రభుత్వం తీసుకువస్తోంది. ముఖ్యంగా రీజినల్ రూరల్ బ్యాంకులు సైబర్ దాడులకు గురికాకుండా కఠినమైన నిబంధనలు తీసుకురానున్నారు. దీనివల్ల బ్యాంకులు తమ ఐటీ ఖర్చులను పెంచాల్సి రావచ్చు.
చిన్న వ్యాపారాలకు ఊరట
మైక్రో, స్మాల్, మీడియం ఎంటర్‌ప్రైజెస్ (MSME)కు రుణాలు సులభంగా అందేలా 'యూనిఫైడ్ లెండింగ్ ఇంటర్‌ఫేస్ (ULI)' మరియు అకౌంట్ అగ్రిగేటర్ ఫ్రేమ్‌వర్క్‌పై దృష్టి సారించారు. దీని ద్వారా రుణాలు పొందే ప్రక్రియ వేగవంతం కానుంది.
ఇన్వెస్టర్లకు వెసులుబాటు
విదేశీ పోర్ట్‌ఫోలియో ఇన్వెస్టర్లు (FPIs), నాన్-రెసిడెంట్ ఇండియన్ల కోసం డిజిటల్-ఫస్ట్ KYC ప్రక్రియను ప్రభుత్వం సులభతరం చేయనుంది. గుజరాత్‌లోని GIFT IFSC ద్వారా పెట్టుబడులను మరింత పెంచేలా చర్యలు తీసుకుంటున్నామని ప్రభుత్వం స్పష్టం చేసింది. ఇక నిలిచిపోయిన (Unclaimed) బ్యాంక్ డిపాజిట్లు, డివిడెండ్లు మరియు ఇన్సూరెన్స్ ఫండ్స్‌ను తిరిగి రాబట్టేందుకు ప్రత్యేక డ్రైవ్ చేపట్టనున్నారు.