ఆర్టిఫిషియల్ ఇంటెలిజెన్స్ (AI) వాడకంపై Microsoft సహ వ్యవస్థాపకుడు Bill Gates ఆసక్తికరమైన వ్యాఖ్యలు చేశారు. AI టోకెన్లు, రోబోలపై పన్ను విధించాలని, అలాగే కొన్ని ప్రత్యేక రంగాల్లో కేవలం మనుషులు మాత్రమే పని చేసేలా 'Human Reserved' పాలసీని తీసుకురావాలని ఆయన సూచించారు.
ఆర్టిఫిషియల్ ఇంటెలిజెన్స్ (AI) శకంలో మనం ఉన్నామని, ఈ కొత్త మార్పులను నియంత్రించేందుకు కఠినమైన పాలసీలు అవసరమని Bill Gates తన 6,000 పదాల వ్యాసంలో పేర్కొన్నారు. 'The turbulent AI era is here' పేరుతో ఆయన రాసిన ఈ లేఖ ప్రస్తుతం ప్రపంచ వ్యాప్తంగా చర్చనీయాంశమైంది.
రోబోలు, AI టోకెన్లపై పన్ను ఎందుకు?
ప్రస్తుతం ఉన్న పన్ను విధానాలు రోబోల వాడకానికి అనుకూలంగా ఉన్నాయని Gates వాదిస్తున్నారు. కంపెనీలు సాఫ్ట్వేర్ లేదా రోబోలను కొంటే వాటిని పెట్టుబడిగా చూపి టాక్స్ మినహాయింపులు పొందుతున్నాయి, కానీ మనుషులకు ఇచ్చే జీతాలపై మాత్రం పన్ను కట్టాల్సి వస్తోంది. ఈ వ్యత్యాసాన్ని తగ్గించడానికి, AI మోడల్స్ ప్రాసెస్ చేసే 'AI టోకెన్ల'పై, అలాగే రోబోలపై కొత్తగా పన్ను విధించాలని ఆయన కోరారు. దీని ద్వారా వచ్చే ఆదాయాన్ని ఉద్యోగాలను కోల్పోయిన వారి శిక్షణ కోసం వినియోగించవచ్చని ఆయన ప్రతిపాదించారు.
'హ్యూమన్ రిజర్వ్డ్' జోన్లు అంటే ఏంటి?
వైద్యం, విద్య, చైల్డ్ కేర్ వంటి రంగాల్లో మనిషికి, మనిషికి మధ్య ఉండే అనుబంధం చాలా ముఖ్యం. అందుకే, ఇటువంటి విభాగాల్లో AIని పూర్తిగా నిషేధించాలని లేదా పరిమితం చేయాలని ఆయన సూచించారు. దీన్నే 'Human Reserved' జోన్లు అని ఆయన పిలుస్తున్నారు. ఒకవేళ ప్రభుత్వాలు దీనిని అమలు చేస్తే, ఆయా రంగాల్లోని కంపెనీలు ఆటోమేషన్ ద్వారా ఖర్చులను తగ్గించుకోవాలనే ఆలోచనకు బ్రేక్ పడే అవకాశం ఉంది.
ఇన్వెస్టర్ల పరిస్థితి ఏంటి?
AI ఆధారిత ఆటోమేషన్తో కంపెనీలు భారీ లాభాలను (Profit Margins) ఆశిస్తున్నాయి. అయితే, భవిష్యత్తులో ఇలాంటి టాక్స్ రూల్స్ వస్తే, ఆటోమేషన్ ప్రాజెక్టులపై చేసే పెట్టుబడుల రిటర్న్స్ తగ్గే అవకాశం ఉంది. బిల్ గేట్స్ అభిప్రాయాలు ఇప్పటికి కేవలం సూచనలే అయినా, ప్రపంచవ్యాప్తంగా పాలసీ మేకర్లు వీటిపై దృష్టి సారిస్తే, టెక్నాలజీ కంపెనీల షేర్ల మీద స్వల్పకాలిక ఒత్తిడి పెరిగే ప్రమాదం ఉంది.