ఫుడ్ డెలివరీ రంగంలోకి Rapido తన 'Ownly' సర్వీస్తో దూసుకొచ్చింది. హైదరాబాద్లో కార్యకలాపాలను ప్రారంభించిన ఈ సంస్థ, జీరో-కమిషన్ మోడల్తో మార్కెట్ లీడర్లు Zomato, Swiggyలకు సవాల్ విసురుతోంది.
బైక్-టాక్సీ సేవలతో పాపులర్ అయిన Rapido, ఇప్పుడు తన ఫుడ్ డెలివరీ ప్లాట్ఫారమ్ 'Ownly'ని హైదరాబాద్ మార్కెట్లోకి విస్తరించింది. బెంగళూరులో సక్సెస్ ఫుల్ గా పైలట్ రన్ పూర్తి చేసుకున్న తర్వాత, హైదరాబాద్లో ఏకంగా 10,000 రెస్టారెంట్లను ఆన్ బోర్డింగ్ చేసుకుంది. దీన్ని త్వరలోనే 30,000కి పెంచాలనేది కంపెనీ లక్ష్యం.
వ్యాల్యూ సెగ్మెంట్ పైనే ఫోకస్
ప్రస్తుతం Zomato, Swiggy ప్లాట్ఫారమ్స్ లో యావరేజ్ ఆర్డర్ వాల్యూ ₹400 నుండి ₹420 వరకు ఉంటోంది. కానీ Rapido తన 'Ownly' ద్వారా ₹250 రేంజ్ ఉన్న ఆర్డర్లపై ఫోకస్ చేస్తోంది. ముఖ్యంగా రెస్టారెంట్ల నుంచి ఎటువంటి కమిషన్ వసూలు చేయకుండా, కేవలం డెలివరీ ఫీజుల ద్వారానే ఆదాయం పొందే 'జీరో-కమిషన్' మోడల్ను అమలు చేస్తోంది.
లాజిస్టిక్స్ లో సక్సెస్ ఫార్ములా
ఫుడ్ డెలివరీలో దాదాపు 85% నుండి 90% ఖర్చు లాస్ట్-మైల్ లాజిస్టిక్స్ కోసమే వెళ్తుంది. Rapido తన దగ్గర ఉన్న ఇప్పటికే ఉన్న బైక్-టాక్సీ టెక్నాలజీని, ఫ్లీట్ను వాడుకోవడం ద్వారా ఈ ఖర్చును భారీగా తగ్గిస్తోంది. దీనివల్ల కంపెనీ మార్జిన్లు దెబ్బతినకుండా కస్టమర్లకు తక్కువ ధరకే సర్వీస్ అందించగలుగుతోంది.
భవిష్యత్తు ప్రణాళికలు
వచ్చే త్రైమాసికంలో ఢిల్లీ NCR, ముంబై, పూణే, కోల్కతా, అహ్మదాబాద్ మరియు సూరత్ వంటి నగరాల్లోకి విస్తరించాలని Rapido ప్లాన్ చేస్తోంది. అయితే, క్విక్-కామర్స్ లేదా 10 నిమిషాల డెలివరీ వంటి హడావిడికి దూరంగా ఉంటూ, తమ కోర్ మార్కెట్ను బలోపేతం చేసుకోవడమే లక్ష్యంగా పెట్టుకుంది. వచ్చే ఆర్థిక సంవత్సరం నాటికి కంపెనీ ప్రాఫిటబిలిటీని చేరుకోవాలని మేనేజ్మెంట్ ఆశిస్తోంది.