భారతీయ పండుగ సీజన్ 2026లో వినియోగదారుల ప్రవర్తనలో స్పష్టమైన మార్పు కనిపిస్తోంది. Flipkart, Myntra వంటి ప్లాట్‌ఫామ్‌లు రికార్డు స్థాయి ట్రాఫిక్, కొత్త కస్టమర్లను సొంతం చేసుకోగా, క్విక్ కామర్స్ సంస్థలు మాత్రం ఆశించిన స్థాయిలో పుంజుకోలేదు.
2026 పండుగ షాపింగ్ సీజన్ డిజిటల్ రిటైల్ రంగంలో రెండు భిన్నమైన ధోరణులను చూపించింది. ఫ్యాషన్, ఎలక్ట్రానిక్స్ మరియు జనరల్ మెర్చండైజ్ ప్లాట్‌ఫామ్‌లు రికార్డు స్థాయి అమ్మకాలను నమోదు చేస్తుంటే, క్విక్ కామర్స్ సెగ్మెంట్ మాత్రం నెమ్మదించింది.
ఈ-కామర్స్ జోరు!
Flipkart పండుగ సేల్ ప్రారంభ రోజుల్లో కొత్త కస్టమర్ల సంఖ్య 34% పెరిగినట్లు వెల్లడించింది. ముఖ్యంగా 60% డిమాండ్ మెట్రో నగరాలకు వెలుపల నుంచే రావడం విశేషం. Myntra తన మంత్లీ యాక్టివ్ యూజర్స్ సంఖ్యను 93 మిలియన్లకు పెంచుకోగా, సేల్ మొదటి ఆరు రోజుల్లో డైలీ యాక్టివ్ యూజర్స్ 40% పెరిగారు. అటు Nykaa కూడా ఫ్యాషన్ విభాగంలో 24% వృద్ధిని సాధించి, 20 మిలియన్ల మంత్లీ యూజర్ బేస్‌తో తన స్థానాన్ని సుస్థిరం చేసుకుంది.
క్విక్ కామర్స్ వెనుకడుగు
క్విక్ కామర్స్ రంగంలో మాత్రం పరిస్థితి భిన్నంగా ఉంది. Blinkit నెలవారీ యూజర్స్ సంఖ్యలో 53% వృద్ధిని నమోదు చేసినప్పటికీ, సేల్ మొదటి వారంలో రోజువారీ వినియోగం మాత్రం కేవలం 3% మాత్రమే పెరిగింది. Zepto పరిస్థితి ఇంకాస్త దారుణంగా ఉంది, అక్కడ డైలీ యూసేజ్ 2% తగ్గింది.
ఇన్వెస్టర్లకు సూచన
పండుగ సీజన్ వినియోగదారుల ఆర్థిక ఆరోగ్యాన్ని తెలిపే ఒక ముఖ్యమైన ఇండికేటర్. ఈ అమ్మకాలు ప్రధానంగా రిటైల్ క్రెడిట్ మరియు EMI సౌకర్యాలపై ఆధారపడి ఉన్నాయి. రాబోయే క్వార్టర్ రిజల్ట్స్ లో Zomato, FSN E-Commerce Ventures (Nykaa) వంటి కంపెనీలు ఈ ట్రాఫిక్ ని ఎంతవరకు లాభాలుగా మార్చుకోగలిగాయో స్పష్టం కానుంది.