గుడ్డు, చికెన్ ధరలు షాకింగ్.. భారీగా పెరిగిన రేట్లు

ప్రస్తుతం మార్కెట్లో ఒక గుడ్డు ధర ₹14 వరకు చేరుకుంది. ఇది కేవలం తాత్కాలిక సమస్య కాదు. పౌల్ట్రీ రంగానికి వెన్నెముక వంటి మేత ఖర్చులే మొత్తం ఆపరేటింగ్ ఖర్చుల్లో 70% వరకు ఉంటున్నాయి. మక్కలు (Maize), సోయా ధరలు భారీగా పెరగడంతో పౌల్ట్రీ ఫార్మర్లు తీవ్ర ఇబ్బందులు ఎదుర్కొంటున్నారు.

ఇథనాల్ మ్యాండేట్ ఎఫెక్ట్

ప్రభుత్వం ఇథనాల్ బ్లెండింగ్ కోసం మక్కల వాడకాన్ని పెంచింది. ప్రస్తుతం భారతదేశంలోని మొత్తం మక్కల ఉత్పత్తిలో 37% ఇథనాల్ డిస్టిలరీలకే తరలిపోతోంది. దీనివల్ల పౌల్ట్రీ ఫీడ్ తయారీదారులకు ముడి పదార్థాల కొరత ఏర్పడి, ధరలు మరింతగా పెరిగాయి.

ఉత్పత్తిలో కోత

నష్టాలను భరించలేక జూన్ 2026లో 'ఆల్ ఇండియా పౌల్ట్రీ బ్రీడర్స్ అసోసియేషన్' ఉత్పత్తిని 25% తగ్గిస్తున్నట్లు ప్రకటించింది. ముఖ్యంగా పేరెంట్ బ్రీడర్ స్టాక్‌ను తొలగించడం వల్ల, భవిష్యత్తులో కూడా సప్లై కష్టంగానే ఉండే అవకాశం ఉంది. దీనికి తోడు అకాల వర్షాలు, వేసవి తీవ్రత కారణంగా పక్షుల మరణాలు పెరిగి ఉత్పత్తి పడిపోయింది.

రాబోయే శీతాకాలంలో డిమాండ్ పెరిగే అవకాశం ఉండటంతో, ధరలు మరింత పెరిగే ప్రమాదం కనిపిస్తోంది. ప్రభుత్వం గనుక ధాన్యాల కేటాయింపు పాలసీలో మార్పులు చేయకపోతే, ఈ ద్రవ్యోల్బణం మరికొంత కాలం కొనసాగవచ్చు.