State Bank of India కీలక నిర్ణయం తీసుకుంది. అక్టోబర్ 15, 2026 నుంచి రానున్న కొత్త UPI Merchant Discount Rate (MDR) ఛార్జీల నుంచి రిటైల్ కస్టమర్లు మరియు చిన్న వ్యాపారులకు మినహాయింపునిచ్చింది. ఈ భారాన్ని యూజర్లపై పడకుండా బ్యాంక్ ప్రత్యేక చర్యలు చేపడుతోంది.
ఎవరికీ వర్తించవు?
అక్టోబర్ 15, 2026 నుంచి అమలులోకి రానున్న 0.4% MDR (Merchant Discount Rate) ఛార్జీల నుంచి సామాన్యులకు భారీ ఉపశమనం లభించింది. ₹2,000 పైన జరిగే పర్సన్-టు-మెర్చంట్ (P2M) ట్రాన్సాక్షన్లపై ఈ ఛార్జీలు వర్తిస్తాయి. అయితే, 96% UPI వినియోగదారులకు ఎటువంటి అదనపు భారం ఉండదని SBI చైర్మన్ CS Setty స్పష్టం చేశారు. నేషనల్ పేమెంట్స్ కార్పొరేషన్ ఆఫ్ ఇండియా (NPCI) సహకారంతో ఆటోమేటెడ్ సిస్టమ్-లెవల్ కంట్రోల్స్ ద్వారా ఈ మినహాయింపును అమలు చేస్తున్నారు.
డిజిటల్ వ్యూహం.. అదే లక్ష్యం
ఈ నిర్ణయం వెనుక బ్యాంక్ ఒక పెద్ద మాస్టర్ ప్లాన్ ఉంది. ప్రస్తుతం SBI రోజుకు దాదాపు 20 కోట్ల UPI ట్రాన్సాక్షన్లను ప్రాసెస్ చేస్తోంది. మార్కెట్ షేర్‌లో 25% వాటాతో అగ్రస్థానంలో ఉన్న బ్యాంక్, ఈ యూజర్లను తన సొంత ప్లాట్‌ఫామ్ అయిన 'Yono' వైపు మళ్లించాలని చూస్తోంది. ప్రస్తుతం Yono యాప్‌కు 5 కోట్లు యాక్టివ్ యూజర్లు ఉన్నారు. Mudra లోన్లు, Kisan Credit Cards వంటి సేవలను Yono-UPI ఇంటర్‌ఫేస్‌లో అందించడం ద్వారా థర్డ్-పార్టీ యాప్‌ల పోటీని తట్టుకోవాలని బ్యాంక్ వ్యూహరచన చేస్తోంది.
ఇన్వెస్టర్లు గమనించాల్సిన రిస్క్
మరోవైపు, వ్యాపారులు ఈ ఛార్జీలను తప్పించుకోవడానికి 'ట్రాన్సాక్షన్ స్ప్లిటింగ్' (పేమెంట్లను ₹2,000 లోపు చిన్న మొత్తాలుగా విభజించడం) చేసే ప్రమాదం ఉంది. ఇలా జరిగితే, ట్రాన్సాక్షన్ల సంఖ్య పెరుగుతుంది కానీ ఆదాయం రాదు, ఇది డిజిటల్ సిస్టమ్స్‌పై అదనపు భారాన్ని పెంచుతుంది. థర్డ్-పార్టీ పేమెంట్ యాప్‌ల నుంచి వస్తున్న గట్టి పోటీని ఎదుర్కొంటూ, SBI తన డిజిటల్ ఇంటర్‌ఫేస్‌ను ఎంతవరకు మెరుగుపరుచుకోగలదన్నదే భవిష్యత్తులో స్టాక్ పనితీరును నిర్ణయించనుంది.