2020 తర్వాత అమ్మిన Mercedes-Benz కార్లు E20 పెట్రోల్ తో నడుస్తాయని కంపెనీ స్పష్టం చేసింది. పాత మోడల్స్ కూడా ఈ ఫ్యూయల్ తో పనిచేయగలవని, అయితే ఫ్యూయల్ క్వాలిటీ, పంపుల దగ్గర అడల్టరేషన్ (Adulteration) లేకపోవడం ముఖ్యం అని Mercedes-Benz ఇండియా తెలిపింది.
భారతదేశం E20 పెట్రోల్ (80% గ్యాసోలిన్, 20% ఇథనాల్ మిశ్రమం) వైపు మళ్లుతున్న నేపథ్యంలో, లగ్జరీ కార్లపై దీని ప్రభావంపై పలు సందేహాలు తలెత్తుతున్నాయి. ఈ నేపథ్యంలో, Mercedes-Benz ఇండియా తమ వాహనాల టెక్నికల్ కంపాటిబిలిటీపై కీలక ప్రకటన చేసింది.
Mercedes-Benz ఇండియా MD & CEO సంతోష్ అయ్యర్ మాట్లాడుతూ, 2020 నుంచి తయారు చేసి అమ్మిన తమ కార్లు E20 కంపాటిబుల్ అని తెలిపారు. అంతేకాకుండా, 2023-24 మోడల్స్ ఈ హైయర్ ఇథనాల్ బ్లెండ్ కోసం కొత్త స్టాండర్డ్స్ కు అనుగుణంగా తయారు చేయబడ్డాయని అన్నారు. 2020 కంటే ముందు తయారైన కార్ల యజమానులు, ఇథనాల్ లో తక్కువ ఎనర్జీ డెన్సిటీ వల్ల ఫ్యూయల్ ఎఫిషియెన్సీలో స్వల్ప తగ్గుదల గమనించవచ్చని, అయితే ఆ వాహనాలు కూడా ఈ బ్లెండ్ తో నడవగలవని కంపెనీ స్పష్టం చేసింది.
క్వాలిటీ సమస్యలు Vs ఫ్యూయల్ కూర్పు
నిజానికి, 20% ఇథనాల్ బ్లెండ్ కన్నా.. పెట్రోల్ బంకుల వద్ద ఫ్యూయల్ క్వాలిటీలో ఉండే తేడాలే వాహనదారులకు పెద్ద సమస్య అని ఆటోమేకర్ నొక్కి చెబుతోంది. నిర్దేశించిన 20% కన్నా ఎక్కువ ఇథనాల్ వాడకం, ఫ్యూయల్ అడల్టరేషన్ వంటివి ప్రమాదకరమని, ఇవి పనితీరు సమస్యలకు, వార్నింగ్ లైట్లు వెలగడానికి, ముఖ్యంగా పాత కార్లలో ఫ్యూయల్ ట్యాంక్ లో తుప్పు పట్టడం వంటి సమస్యలను తీవ్రతరం చేయగలవని కంపెనీ హెచ్చరించింది.
భవిష్యత్ ప్రణాళికలు, పరిశ్రమ సవాళ్లు
Mercedes-Benz తమ కొన్ని మోడల్స్ (ఉదాహరణకు, ప్లగ్-ఇన్ హైబ్రిడ్ S-Class) E25 ఫ్యూయల్ తో కూడా పనిచేసేలా సామర్థ్యాన్ని ప్రదర్శించింది. అయితే, భవిష్యత్ ఫ్యూయల్ మార్పులపై జాగ్రత్తగా అడుగులు వేయాలని కంపెనీ సూచిస్తోంది. E25 వంటి హైయర్ బ్లెండ్స్ ను ముందుగా కొత్త కార్ల కొనుగోలుదారులకు ఆప్షన్ గా పరిచయం చేయాలని, తద్వారా ఇప్పటికే ఉన్న వాహనాలపై ప్రభావాన్ని అంచనా వేయడంతో పాటు, అవసరమైన ఫ్యూయల్ క్వాలిటీ ఇన్ఫ్రాస్ట్రక్చర్ ను ఏర్పాటు చేయవచ్చని అభిప్రాయపడింది.
పెట్రోల్ బంకుల వద్ద ఫ్యూయల్ క్వాలిటీ నిలకడగా ఉండటమే ముఖ్యమని Mercedes-Benz పేర్కొంది. దీనిపై కఠినమైన తనిఖీలు జరగాలని కోరింది. పనితీరు సమస్యలు ఎదుర్కొంటున్న యజమానులు అధీకృత సర్వీస్ సెంటర్లలో డయాగ్నస్టిక్ చెక్స్ చేయించుకోవాలని సూచించింది. ప్రభుత్వం ఇథనాల్ బ్లెండ్స్ ను పెంచుతూ, ఫ్యూయల్ క్వాలిటీ ని పర్యవేక్షించే విధానం ఎలా ఉంటుందో వేచి చూడాలి.