రోడ్డు భద్రతను పెంచేందుకు కేంద్ర ప్రభుత్వం కీలక నిర్ణయం తీసుకుంది. ఇకపై డ్రైవింగ్ లైసెన్స్, వాహన రిజిస్ట్రేషన్ సర్టిఫికెట్లపై 'గ్రేడెడ్ పెనాల్టీ పాయింట్స్' విధానాన్ని తీసుకురావాలని రోడ్డు రవాణా శాఖ యోచిస్తోంది.
కీలక నిర్ణయం.. రోడ్డు ప్రమాదాలకు చెక్
కేంద్ర రోడ్డు రవాణా శాఖ మంత్రి నితిన్ గడ్కరీ ఈ విషయాన్ని 66వ SIAM వార్షిక సదస్సులో వెల్లడించారు. ఈ కొత్త విధానం ద్వారా ట్రాఫిక్ నిబంధనలను ఉల్లంఘించే వారిని రియల్ టైమ్లో పర్యవేక్షిస్తారు. ఒక డ్రైవర్ లేదా వాహన యజమాని పరిమితికి మించి తప్పులు చేస్తే, వారి లైసెన్స్ సస్పెన్షన్ నుండి శాశ్వత రద్దు వరకు కఠిన చర్యలు ఉంటాయి.
ఇన్సూరెన్స్ రంగానికి కొత్త ఊపు
ఈ డేటా అందుబాటులోకి వస్తే, ఇన్సూరెన్స్ కంపెనీలు డ్రైవింగ్ హిస్టరీని బట్టి ప్రీమియంలను నిర్ణయించే అవకాశం ఉంది. నిబంధనలు పాటించే వారికి ఇన్సూరెన్స్ ప్రీమియంలలో భారీ తగ్గింపులు లభించే ఛాన్స్ ఉంది. ఇది ఇన్సూరెన్స్ రంగంలో సరికొత్త 'బిహేవియర్-బేస్డ్' ధరలకు దారితీయవచ్చు.
అమలులో ఉన్న సవాళ్లు
ఈ విధానం సక్సెస్ కావాలంటే అన్ని రాష్ట్రాల ట్రాఫిక్ విభాగాలను ఒకే డిజిటల్ నెట్వర్క్తో అనుసంధానించాల్సి ఉంటుంది. ప్రస్తుతం దీనికి సంబంధించి ఎలాంటి గడువు లేదా స్పష్టమైన మార్గదర్శకాలను ప్రభుత్వం ఇంకా ప్రకటించలేదు. అయితే, అక్టోబర్ 2027 నాటికి 'భారత్ NCAP 2.0' వంటి మరిన్ని భద్రతా కార్యక్రమాలపై కూడా ప్రభుత్వం దృష్టి సారిస్తోంది.