రష్యా నుంచి మరో ఐదు S-400 మిసైల్ స్క్వాడ్రన్లను కొనుగోలు చేసేందుకు భారత్ కసరత్తు చేస్తోంది. సుమారు ₹50,000 కోట్ల విలువైన ఈ డీల్లో భాగంగా, రెండు యూనిట్లను స్వదేశీ పరిజ్ఞానంతో తయారు చేయాలనేది ప్లాన్.
యుద్ధరంగంలో సత్తా చాటిన S-400
రక్షణ మంత్రిత్వ శాఖ ఈ ప్రతిపాదనను సీరియస్గా పరిశీలిస్తోంది. ముఖ్యంగా మే 2025లో జరిగిన 'ఆపరేషన్ సింధూర్' సంఘర్షణ సమయంలో, శత్రువుల నిఘా విమానాలను అత్యంత దూరం నుంచే టార్గెట్ చేసి ఈ సిస్టమ్ తన విశ్వసనీయతను నిరూపించుకుంది. ఈ సక్సెస్ తర్వాతే, మరో 5 స్క్వాడ్రన్ల కొనుగోలుపై ప్రభుత్వం నిర్ణయం తీసుకుంది.
ఆత్మనిర్భర్ భారత్ దిశగా అడుగులు
గతంలో 2018 ఒప్పందంలో ఎక్కువగా ఇంపోర్ట్స్ (Imports) పైనే ఆధారపడ్డాం. కానీ ఈసారి సీన్ వేరు. ₹50,000 కోట్ల ఈ భారీ ఒప్పందంలో భాగంగా 3 స్క్వాడ్రన్లను మాత్రమే దిగుమతి చేసుకుని, మిగిలిన 2 యూనిట్లను ఇండియాలోనే తయారీ చేసేందుకు (Technology Transfer) ప్లాన్ చేస్తున్నారు. దీనివల్ల మన దేశంలోని డిఫెన్స్ కంపెనీలకు మెయింటెనెన్స్, రిపేర్ మరియు విడిభాగాల తయారీ ద్వారా దీర్ఘకాలిక ఆదాయం లభించే అవకాశం ఉంది.
ఇన్వెస్టర్లు గమనించాల్సిన అంశాలు
ఈ ప్రాజెక్ట్ ఒక మల్టీ-ఇయర్ డీల్. కాంట్రాక్ట్ కుదిరిన సుమారు 3 ఏళ్ల తర్వాతే పరికరాలు అందుతాయి. అయితే, రష్యా-ఉక్రెయిన్ నేపథ్యంలో అంతర్జాతీయ ఆంక్షల (Sanctions) రిస్క్ పొంచి ఉంది. అలాగే, ఇంత భారీ మొత్తంలో నిధులు కేటాయించడం ప్రభుత్వ బడ్జెట్పై ఎలాంటి ప్రభావం చూపుతుందనేది చూడాలి. టెక్నాలజీ ట్రాన్స్ఫర్ అగ్రిమెంట్ ఎంతవరకు సక్సెస్ అవుతుందనే దానిపైనే దేశీయ రక్షణ రంగ సంస్థల ఫ్యూచర్ మార్జిన్లు ఆధారపడి ఉంటాయి.