லிதுவேனியா நாடாளுமன்றம் அணு ஆயுதங்கள் மற்றும் வெளிநாட்டு ராணுவ தளங்களை அமைப்பதற்கான தடையை நீக்கும் முதல் கட்ட வாக்கெடுப்பை வெற்றிகரமாக முடித்துள்ளது. இது பால்டிக் பிராந்தியத்தில் புவிசார் அரசியல் பதற்றத்தை அதிகரித்துள்ளது.
முக்கிய திருப்பம்
லிதுவேனியா தனது பாதுகாப்பு கொள்கையில் அதிரடி மாற்றத்தை முன்னெடுத்துள்ளது. சுமார் 30 ஆண்டுகளுக்கும் மேலாக அமலில் இருந்த அணு ஆயுதங்கள் மற்றும் வெளிநாட்டு ராணுவ தளங்களை அனுமதிக்கும் தடையை நீக்க, அந்நாட்டு நாடாளுமன்றம் முதல் கட்ட வாக்கெடுப்பில் 106 வாக்குகளுடன் ஒப்புதல் அளித்துள்ளது.
அடுத்த கட்டம் என்ன?
இந்த சட்டத்திருத்தம் முழுமையடைய 2027-ம் ஆண்டு ஜனவரி 12-ம் தேதி இரண்டாவது மற்றும் இறுதி வாக்கெடுப்பு நடைபெறும். இதற்கு மொத்தம் உள்ள 141 இடங்களில் 94 உறுப்பினர்களின் ஆதரவு (மூன்றில் இரண்டு பங்கு) கட்டாயம் தேவைப்படுகிறது. இது எதிர்கால பாதுகாப்பு அச்சுறுத்தல்களை சமாளிக்க எடுக்கப்பட்ட தற்காப்பு நடவடிக்கை என்று லிதுவேனியா விளக்கம் அளித்துள்ளது.
மார்க்கெட் பாதிப்பு என்ன?
இந்த அறிவிப்பால் மாஸ்கோ கடும் எதிர்ப்பு தெரிவித்துள்ளது. ரஷ்யாவின் எல்லையில் நேட்டோ (NATO) படைகள் மற்றும் ஆயுதங்கள் குவிக்கப்படலாம் என்ற அச்சம், ஐரோப்பிய சந்தைகளில் கடும் கொந்தளிப்பை ஏற்படுத்தக்கூடும். குறிப்பாக, எரிசக்தி விலை (Energy Prices) மற்றும் கமாடிட்டி மார்க்கெட்டில் அதிக வொலட்டிலிட்டி (Volatility) ஏற்பட வாய்ப்புள்ளது.
புவிசார் அரசியல் சூழல் மோசமடையும் போது, உலக முதலீட்டாளர்கள் தங்கத்தை போன்ற பாதுகாப்பான முதலீடுகளை நோக்கி நகர்வார்கள். இது இந்தியா போன்ற வளர்ந்து வரும் சந்தைகளில் இருந்து வெளிநாட்டு முதலீட்டு (FII) வெளியேற்றத்திற்கு காரணமாகலாம். எனவே, சர்வதேச முதலீட்டாளர்கள் இந்த விவகாரத்தை மிக நெருக்கமாக கவனித்து வருகின்றனர்.