Balochistan Liberation Front (BLF) அமைப்பானது 'Karima Armed Assault Division' என்ற பெயரில் பெண்களுக்கென பிரத்யேகமான போர் பிரிவை உருவாக்கியுள்ளது. இது அந்த பிராந்தியத்தின் பாதுகாப்பு சூழலில் முக்கிய மாற்றமாக பார்க்கப்படுகிறது.
பலுசிஸ்தான் விடுதலை முன்னணி (BLF) தனது செயல்பாட்டு கட்டமைப்பில் ஒரு அதிரடி மாற்றத்தை ஏற்படுத்தியுள்ளது. இதுவரை ஆதரவு பணிகளில் ஈடுபட்டு வந்த பெண்கள், இனி போர்முனையில் நேரடியாக ஈடுபடும் வகையில் 'Karima Armed Assault Division' என்ற புதிய பிரிவை உருவாக்கியுள்ளனர். இது தொடர்பான பயிற்சி காட்சிகள் மற்றும் கள செயல்பாடுகளை அந்த அமைப்பு அதிகாரப்பூர்வமாக வெளியிட்டுள்ளது.
பாதுகாப்பு சவால்கள்
குறிப்பாக China-Pakistan Economic Corridor (CPEC) பகுதியில் உள்ள ராணுவ வாகனங்களை குறிவைத்து தாக்குதல்கள் நடத்தப்படுகின்றன. சமீபத்தில் Turbat-ன் Josak பகுதியில் Quick Reaction Force கன்வாய் மீது நடத்தப்பட்ட தாக்குதலுக்கு தாங்களே பொறுப்பேற்பதாக BLF அறிவித்துள்ளது. இதில் 9 பேர் உயிரிழந்ததாக அந்த அமைப்பு கூறினாலும், இதற்கான உறுதிப்படுத்தப்பட்ட தகவல்கள் இதுவரை வெளியாகவில்லை.
பிராந்திய தாக்கம்
Kalat-ன் Mangchar பகுதியிலும் இந்த குழுவின் நடமாட்டம் அதிகரித்துள்ளது. அங்கு வாகன சோதனை மற்றும் செக்போஸ்ட்களை அமைக்கும் பணிகளிலும் இந்த பெண் படைப் பிரிவு ஈடுபட்டுள்ளதாக தகவல்கள் தெரிவிக்கின்றன. உள்கட்டமைப்பு மற்றும் ராணுவ சொத்துக்களை குறிவைப்பதன் மூலம், அந்த பிராந்தியத்தின் வளர்ச்சி திட்டங்களை முடக்க இந்த அமைப்பு முயன்று வருகிறது. இந்த புதிய படைப் பிரிவின் செயல்பாடுகள் வரும் நாட்களில் எந்த மாதிரியான விளைவுகளை ஏற்படுத்தும் என்பது பிராந்திய பாதுகாப்பு ஆய்வாளர்களிடையே பெரும் கவலையை ஏற்படுத்தியுள்ளது.