Shipbuilding Industry: கப்பல் கட்டும் நிறுவனங்களுக்குக் கைகொடுக்கும் மத்திய அரசு! புதிய கிரெடிட் இன்சூரன்ஸ் அறிமுகம்

துறைமுகங்கள், கப்பல் மற்றும் நீர்வழிகள் அமைச்சகம் இந்திய கப்பல் கட்டும் தொழில்துறையை மேம்படுத்தும் நோக்கில், இரண்டு புதிய இன்சூரன்ஸ் திட்டங்களை அறிமுகப்படுத்தியுள்ளது. அக்டோபர் 13, 2026 அன்று நடந்த 21-வது கடல்சார் மாநில மேம்பாட்டுக் குழுக் கூட்டத்தில் இந்தத் திட்டம் அதிகாரப்பூர்வமாக அறிவிக்கப்பட்டது.

இந்த திட்டத்தின் முக்கிய நோக்கம் என்ன?

பொதுவாக, கப்பல் கட்டும் திட்டங்கள் பல ஆண்டுகளைக் கொண்டவை என்பதால், நிறுவனங்கள் பெரிய அளவிலான மூலதனத்தைச் சந்திக்க வேண்டியிருக்கும். வாடிக்கையாளர் பணம் செலுத்துவதில் தாமதம் ஏற்படும்போது அல்லது திட்டத்தின் குறிப்பிட்ட நிலைகளை முடித்த பிறகும் பணம் வருவதில் சிக்கல் ஏற்படும்போது (Cash flow gaps), நிறுவனங்களின் அன்றாட செயல்பாடுகள் பாதிக்கப்படுகின்றன. இந்த நிதிச் சுமையைச் சமாளிக்கவே இந்த புதிய இன்சூரன்ஸ் பாதுகாப்பு வழங்கப்படுகிறது.

இரண்டு புதிய பாலிசிகள்:

1. SbPCP (Shipbuilding Project Credit Risk Insurance Policy): இது ஏற்றுமதி சார்ந்த கப்பல் திட்டங்களுக்காக, ECGC Ltd மூலம் செயல்படுத்தப்படுகிறது.

2. BCSPS (Business Credit Shield Policy–Shipbuilders): இது உள்நாட்டுத் திட்டங்களுக்காக, The New India Assurance Co Ltd மூலம் வழங்கப்படுகிறது.

இந்தத் திட்டங்களில் இன்சூரன்ஸ் பிரீமியத்திற்கு அரசு மானியம் வழங்குவதுடன், இழப்பீடு கோரும்போது (Claim liabilities) நேரடியாக ஆதரவும் அளிக்கிறது. இது நிறுவனங்களுக்கு மிகக் குறைந்த செலவில் பெரும் பாதுகாப்பை உறுதி செய்கிறது.

முதலீட்டாளர்கள் கவனிக்க வேண்டியது:

இந்தத் திட்டம் நிறுவனங்களின் பணப்புழக்கத்தை எளிதாக்கும் என்பதால், வட்டி செலவுகள் (External project financing) குறைய வாய்ப்புள்ளது. இது நிறுவனங்களின் லாபத்தன்மையை (Financial flexibility) மேம்படுத்த உதவும். இருப்பினும், உலகளாவிய சந்தையில் நிலவும் போட்டி, மூலப்பொருட்களின் விலை மாற்றம் மற்றும் திட்டங்களைச் செயல்படுத்துவதில் ஏற்படும் இதர தாமதங்களை இந்த இன்சூரன்ஸ் ஈடு செய்யாது. எனவே, வரவிருக்கும் காலாண்டுகளில் இந்த நிறுவனங்களின் 'Working capital' மேலாண்மை எப்படி மாறுகிறது என்பதை முதலீட்டாளர்கள் கவனிக்க வேண்டியது அவசியம்.