2028-ம் ஆண்டின் இரண்டாம் காலாண்டு முதல் தனது புதிய A350 ரக விமானங்களில் பிசினஸ் கிளாஸ் வசதியை அறிமுகப்படுத்த IndiGo முடிவு செய்துள்ளது. அதேசமயம், கடும் இழப்பைத் தொடர்ந்து எரிபொருள் கொள்முதல் கொள்கையையும் மாற்றி அமைப்பது குறித்து ஆலோசித்து வருகிறது.
இந்தியாவின் முன்னணி விமான நிறுவனமான IndiGo, தனது வணிக மாதிரியில் (Business Model) பெரிய மாற்றத்தைக் கொண்டுவரத் தயாராகி வருகிறது. இதுவரை பட்ஜெட் விமானச் சேவையில் மட்டுமே கவனம் செலுத்தி வந்த நிறுவனம், இப்போது நீண்ட தூர சர்வதேசப் பயணிகளுக்காக Airbus A350-900 ரக விமானங்களை வாங்க உள்ளது.
புதிய வசதிகள் என்னென்ன?
2028-ம் ஆண்டின் ஏப்ரல்-ஜூன் காலகட்டத்தில் முதல் A350 விமானம் வரவுள்ளது. இதில் 16 சொகுசு வசதி கொண்ட 'lie-flat' பிசினஸ் கிளாஸ் இருக்கைகள், பிரீமியம் எகானமி மற்றும் எகானமி என மூன்று பிரிவுகள் இருக்கப்போகின்றன. இது நிறுவனத்தின் செயல்பாட்டில் புதிய சவால்களை உருவாக்கலாம் என்று நிபுணர்கள் கருதுகின்றனர்.
ஃபியூல் பாலிசி மாற்றம் ஏன்?
தற்போது, IndiGo தனது எரிபொருளை சந்தை விலையிலேயே வாங்கி வருகிறது (No hedging). ஆனால், சர்வதேச பயணங்கள் அதிகரிக்க உள்ளதால், எரிபொருள் விலையேற்றத்தில் இருந்து தப்பிக்க 'Hedging' முறையைப் பின்பற்றுவது குறித்து நிர்வாகம் தீவிரமாக ஆலோசித்து வருகிறது.
நிதி நிலைமை என்ன?
செப்டம்பர் 2026 காலாண்டில் நிறுவனம் ₹1,879.1 கோடி நஷ்டத்தைச் சந்தித்துள்ளது. இதற்கு முக்கிய காரணங்கள்:
- எரிபொருள் விலை உயர்வு (இயக்கச் செலவில் 40% வரை).
- ரூபாய் மதிப்பு சரிவு.
- நிறுவனத்தின் மொத்த கடன் ₹87,303 கோடி (செப்டம்பர் 30, 2026 நிலவரப்படி).
புதிய வணிக மாடலுக்கு மாறும்போது சர்வதேச நிறுவனங்களுடன் போட்டியிட வேண்டிய கட்டாயமும், கடன் சுமையைக் கையாள வேண்டிய சவாலும் நிறுவனத்தின் முன்னால் உள்ளது.