மும்பை சர்வதேச விமான நிலையத்தில் இருந்து, ஒரு பகுதி சர்வதேச விமானங்களை நவி மும்பைக்கு மாற்றும் Adani Airport Holdings-ன் திட்டத்தை மத்திய விமான போக்குவரத்து அமைச்சகம் நிறுத்தி வைத்துள்ளது.
மும்பை சத்ரபதி சிவாஜி மகாராஜ் சர்வதேச விமான நிலையத்தில் இருந்து, சுமார் மூன்றில் ஒரு பங்கு சர்வதேச விமானங்களை நவி மும்பை சர்வதேச விமான நிலையத்திற்கு மாற்றும் திட்டத்திற்கு மத்திய அரசு முட்டுக்கட்டை போட்டுள்ளது. அக்டோபர் 25-ஆம் தேதி தொடங்கவிருந்த இந்த மாற்றத்தை, சர்வதேச விமான நிறுவனங்கள் கடுமையாக எதிர்த்த நிலையில், இந்த அதிரடி உத்தரவு பிறப்பிக்கப்பட்டுள்ளது.
ஏன் இந்த எதிர்ப்பு?
குளிர்கால விமான அட்டவணை ஏற்கனவே இறுதி செய்யப்பட்டு, பயணிகளுக்கு டிக்கெட்டுகள் விற்கப்பட்ட நிலையில், இந்த திடீர் மாற்றம் பெரும் குழப்பத்தை ஏற்படுத்தும் என ஏர்லைன்ஸ் நிறுவனங்கள் கவலை தெரிவித்தன. இதனால் பயணிகளுக்கு ஏற்படும் சிரமங்கள் மற்றும் விமான நிறுவனங்களின் நிதி இழப்பை சுட்டிக்காட்டி அவை கடும் எதிர்ப்பு தெரிவித்தன.
எதற்காக இந்த மாற்றம்?
இந்த இடமாற்றம், மிகவும் பழமையான Terminal 1-ஐ புதுப்பிக்கும் (Redevelopment) திட்டத்தின் ஒரு அங்கமாகும். ஜனவரி 2027-ல் தொடங்கப்படவுள்ள இந்த கட்டுமான பணிக்காகவே இவ்வளவு பெரிய இடமாற்றங்கள் திட்டமிடப்பட்டன.
அடுத்த கட்டம் என்ன?
Adani Airport Holdings, செப்டம்பர் 2026-ல் சுமார் $1 பில்லியன் முதலீட்டை ஈட்டியுள்ளது, இதன் மூலம் நிறுவனத்தின் மதிப்பு $18 பில்லியன் ஆக உயர்ந்துள்ளது. இருப்பினும், தற்போதைய சூழலில் அரசு குறுக்கிட்டுள்ளதால், அக்டோபர் 13 மற்றும் 20 ஆகிய தேதிகளில் அனைத்து தரப்பினரையும் அழைத்து பேச்சுவார்த்தை நடத்த உத்தரவிடப்பட்டுள்ளது. இந்த பேச்சுவார்த்தைகளின் முடிவிலேயே விமான மாற்றங்களுக்கான புதிய கால அட்டவணை முடிவு செய்யப்படும்.