Flydubai FZ1073: விமானத்தை கடத்த முயற்சி? நடுவானில் பதற்றம், இஸ்ரேல் போர் விமானங்கள் விரைந்தன

புதன்கிழமை, துபாயிலிருந்து டெல் அவிவ் நோக்கி சென்று கொண்டிருந்த Flydubai விமானம் FZ1073, சவுதி அரேபிய வான்வெளியில் பறக்கும்போது திடீரென 'Hijacking Distress Signal' எனப்படும் கடத்தல் அபாய சமிக்ஞையை அனுப்பியது. இது சர்வதேச விமான போக்குவரத்து பாதுகாப்பு அமைப்புகளிடையே பெரும் பதற்றத்தை ஏற்படுத்தியது.

இஸ்ரேலின் அதிரடி நடவடிக்கை

இந்த எச்சரிக்கையைத் தொடர்ந்து, இஸ்ரேல் பாதுகாப்பு படை உடனடியாக தனது போர் விமானங்களை வானில் ஏவியது. விமானம் தனது பயணப் பாதையை மாற்றியதைக் கவனித்த அதிகாரிகள், முன்னெச்சரிக்கை நடவடிக்கையாக பாதுகாப்பு வளையத்தை அமைத்தனர். பிரதமர் பெஞ்சமின் நெதன்யாகு தலைமையில் பாதுகாப்புத்துறை அமைச்சர் இஸ்ரேல் காட்ஸ் உள்ளிட்ட மூத்த அதிகாரிகளுடன் அவசர ஆலோசனை நடத்தப்பட்டது.

என்ன நடந்தது?

தற்போது விமானத்தின் Telemetry Data-வை வைத்து அதிகாரிகள் தீவிர ஆய்வு மேற்கொண்டு வருகின்றனர். இந்த சமிக்ஞை உண்மையிலேயே விமானம் கடத்தப்பட்டதால் வந்ததா அல்லது விமானத்தின் தகவல் தொடர்பு அமைப்பில் ஏற்பட்ட Technical Malfunction காரணமா என்பதுதான் தற்போதுள்ள முக்கிய கேள்வியாக உள்ளது.

சர்வதேச விமான பாதுகாப்பு விதிமுறைகளின்படி, இதுபோன்ற சமிக்ஞைகள் பெறப்படும்போது உடனடியாக தற்காப்பு நடவடிக்கைகள் மேற்கொள்ளப்பட வேண்டும். அதிகாரப்பூர்வ விசாரணை அறிக்கையில் தான், இது தொழில்நுட்ப கோளாறா அல்லது பாதுகாப்பு அச்சுறுத்தலா என்பது உறுதியாகத் தெரியவரும்.