இந்தியாவின் உள்கட்டமைப்பு மற்றும் லாஜிஸ்டிக்ஸ் திட்டங்களை ஒருங்கிணைக்க Integrated Transport & Logistics Authority (ITLA) அமைக்க மத்திய அமைச்சரவை ஒப்புதல் அளித்துள்ளது. 'Vision 2047' இலக்கை அடைய சாலை, ரயில் மற்றும் விமான போக்குவரத்து துறைகளை இந்த புதிய அமைப்பு ஒருங்கிணைக்கும்.
இனி இந்திய போக்குவரத்து மற்றும் லாஜிஸ்டிக்ஸ் துறை சார்ந்த திட்டங்கள் அனைத்தும் ஒரே குடையின் கீழ் வரவுள்ளன. இதுவரை ஒவ்வொரு அமைச்சகமும் தனித்தனியாக செயல்பட்டு வந்ததால், பெரிய அளவிலான திட்டங்களில் ஒருங்கிணைப்பு சிக்கல்கள் இருந்தன. இதை சரிசெய்யவே மத்திய அரசு ITLA-வை உருவாக்கியுள்ளது.
SPV ஆக செயல்படும் ITLA
இந்த அமைப்பு ஒரு Special Purpose Vehicle (SPV) ஆக செயல்படும். சாலை, ரயில், துறைமுகங்கள், கப்பல் மற்றும் சிவில் ஏவியேஷன் என அனைத்து துறைகளின் திட்டங்களையும் இது ஆய்வு செய்யும். இதற்கென தனியாக 10 ஆண்டு கால 'National Transport Master Plan' உருவாக்கப்பட உள்ளது.
₹500 கோடிக்கு மேல் புதிய கட்டுப்பாடு
இனி ₹500 கோடிக்கும் அதிகமான மதிப்புள்ள அனைத்து அரசு உள்கட்டமைப்பு திட்டங்களுக்கும் இந்த ITLA-வின் தொழில்நுட்ப மதிப்பீடு (Technical Appraisal) கட்டாயமாக்கப்பட்டுள்ளது. இது திட்டங்கள் வெறும் காகித அளவில் மட்டுமல்லாமல், நடைமுறையில் எவ்வளவு செயல்திறன் மிக்கதாக இருக்கும் என்பதை உறுதிப்படுத்தும்.
டேட்டா மூலம் கண்காணிப்பு
இந்த அமைப்பு 'National Transport Data Repository'-ஐ நிர்வகிக்கும். GSTN e-way bills, FASTag மற்றும் Vahan தரவுகளை ஆய்வு செய்து, லாஜிஸ்டிக்ஸ் செலவுகளை குறைக்க வழிவகை செய்யப்படும்.
முதலீட்டாளர்கள் என்ன கவனிக்க வேண்டும்?
இந்த அமைப்பு திட்டங்களின் வேகத்தை சீரமைக்க உதவும் என்றாலும், கூடுதல் கட்டுப்பாடு காரணமாக ஆரம்பத்தில் புதிய ஒப்புதல்கள் பெறுவதில் சிறிது காலதாமதம் ஏற்படலாம் என்ற அச்சமும் உள்ளது. இது திட்டங்களின் கட்டுமானத்தை எவ்வாறு மாற்றும் என்பதை பொறுத்தே முதலீட்டாளர்கள் தங்கள் முடிவுகளை எடுக்க வேண்டும்.