Air India-வின் புதிய CEO-வாக பொறுப்பேற்க இருக்கும் Tewolde Gebremariam, கம்பெனியின் லாபத்தை அதிகரிக்கப் புதிய சிக்கன உத்திகளை வகுத்துள்ளார். ஊழியர்களை உள்ளடக்கிய இந்தத் திட்டம், சர்வதேச மற்றும் சரக்கு வணிகத்தில் கூடுதல் கவனத்தைச் செலுத்தத் திட்டமிடப்பட்டுள்ளது.
ஊழியர்களுக்கு ஊக்கத்தொகை!
Air India-வின் எதிர்கால CEO-வான Tewolde Gebremariam, கம்பெனியில் செலவுகளைக் குறைப்பதை ஒரு முக்கிய கலாச்சாரமாக மாற்றத் திட்டமிட்டுள்ளார். நிர்வாகம் மட்டும் இல்லாமல், ஒவ்வொரு ஊழியரும் செலவுகளைக் குறைக்க புதிய ஐடியாக்களை வழங்கினால், அவர்களுக்கு ஊக்கத்தொகை வழங்கப்படும் என அறிவித்துள்ளார். இது கம்பெனியின் நிதிச் சுமையை வெகுவாகக் குறைக்கும் என எதிர்பார்க்கப்படுகிறது.
வளர்ச்சி Vs சிக்கனம்
தற்போது Air India தனது விமானங்களின் எண்ணிக்கையை (Fleet expansion) அதிரடியாக அதிகரித்து வருகிறது. அதே சமயம், இந்த விரிவாக்கம் லாபம் தருவதை உறுதி செய்வதுதான் சவாலான விஷயம். இதற்காகவே சர்வதேச விமான சேவைகள் மற்றும் கார்கோ பிரிவை (Cargo division) வலுப்படுத்த அவர் முனைப்பு காட்டி வருகிறார்.
சந்தை சவால் மற்றும் Vistara இணைப்பு
இந்திய ஏவியேஷன் துறையில் IndiGo போன்ற ஜாம்பவான்கள் ஆதிக்கம் செலுத்தி வரும் நிலையில், Air India-வுக்குப் பல சவால்கள் உள்ளன. குறிப்பாக Vistara இணைப்பு மற்றும் பழைய நடைமுறைகளை நவீனப்படுத்துவது எனப் பணிகள் அதிகம். இந்த மாற்றங்களால் குறுகிய காலத்திற்குச் செலவுகள் அதிகரிக்கலாம் என்றாலும், நீண்ட கால அடிப்படையில் இது கம்பெனியை லாபகரமானதாக மாற்ற உதவும் என நம்பப்படுகிறது.
இனி வரும் நாட்களில் இந்தச் சிக்கன நடவடிக்கைகள் கம்பெனியின் ஆப்பரேட்டிங் மார்ஜினில் (Operating margins) எந்த மாதிரியான தாக்கத்தை ஏற்படுத்துகிறது என்பதைத்தான் முதலீட்டாளர்கள் உன்னிப்பாகக் கவனித்து வருகிறார்கள்.