மும்பை சர்வதேச விமான நிலையத்தில் (MIAL) வாராந்திர சர்வதேச விமான ஸ்லாட்டுகளில் (Slots) **265** எண்ணிக்கையை குறைக்க அதானி குழுமம் முடிவு செய்துள்ளது. அக்டோபர் **25**-ல் இந்த நடைமுறை அமலுக்கு வரும் நிலையில், இதற்கு விமான நிறுவனங்கள் கடும் எதிர்ப்பு தெரிவித்துள்ளன.
மும்பை சத்ரபதி சிவாஜி மகாராஜ் சர்வதேச விமான நிலையத்தின் செயல்பாடுகளில் ஒரு முக்கிய மோதல் வெடித்துள்ளது. அதானி குழுமத்தின் கீழ் செயல்படும் மும்மை சர்வதேச விமான நிலையம் (MIAL), வரும் அக்டோபர் 25, 2026 முதல் வாராந்திர சர்வதேச விமான ஸ்லாட்டுகளை 265 ஆகக் குறைக்க முன்மொழிந்துள்ளது. இது டெர்மினல் 2-ன் தற்போதைய திறனில் சுமார் 33% ஆகும். வரும் 2027 ஜனவரியில் தொடங்கவுள்ள டெர்மினல் 1 மறுசீரமைப்பு பணிகளுக்காக இந்த மாற்றம் அவசியம் என்று MIAL விளக்கம் அளித்துள்ளது.
விமான நிறுவனங்களின் எதிர்ப்பு ஏன்?
IndiGo மற்றும் Air India உள்ளிட்ட முக்கிய விமான நிறுவனங்கள் இந்த முடிவை கடுமையாக எதிர்த்துள்ளன. Airline Operators Committee-Mumbai (AOC) இந்த உத்தரவை நிராகரித்துள்ளது. குளிர்காலத்திற்கான விமான அட்டவணையை (Winter Schedule) ஏற்கனவே ஜூன் மாதமே முடித்துவிட்ட நிலையில், இந்த திடீர் அறிவிப்பு பயணிகளின் முன்பதிவுகளை ரத்து செய்யவும், பெரும் நிதி இழப்பிற்கும் வழிவகுக்கும் என்று விமான நிறுவனங்கள் எச்சரித்துள்ளன. International Air Transport Association (IATA)-வும் இதில் தலையிட்டு, விமான நிலையத்தின் உண்மையான கொள்ளளவு குறித்த வெளிப்படைத்தன்மையை வலியுறுத்தியுள்ளது.
அரசின் தலையீடு
அக்டோபர் 6, 2026 மாலை 4 மணிக்குள் எந்தெந்த ஸ்லாட்டுகளை நீக்கலாம் என்பதை விமான நிறுவனங்கள் தெரிவிக்க வேண்டும், இல்லையெனில் தாங்களே தன்னிச்சையாக முடிவெடுப்போம் என்று MIAL கெடு விதித்துள்ளது. இதனால் ஏற்பட்ட பதற்றத்தைத் தணிக்க, விமான போக்குவரத்து அமைச்சகம் (Civil Aviation Ministry) அவசரக் கூட்டத்தை கூட்டியுள்ளது.
கூடுதல் சுமை?
இந்த மாற்றம் நவி மும்பை சர்வதேச விமான நிலையத்திற்கு (Navi Mumbai International Airport) மாற்றப்பட உள்ளதால், பயணிகளுக்கான கட்டணம் (User Development Fee) தற்போதுள்ள ₹615-லிருந்து ₹1,225 ஆக உயரும் சூழல் உள்ளது. உள்கட்டமைப்பு வளர்ச்சி, விமான சேவையைப் பாதிக்காமல் இருக்க வேண்டும் என்பதே தற்போது அனைவரின் எதிர்பார்ப்பாக உள்ளது.