இனி வீடுகள் வாங்கும் முன்பு அதன் நெட்வொர்க் வசதியை சரிபார்க்கலாம். TRAI கொண்டுவந்துள்ள 'Digital Connectivity Rating' தளம், ஃபைபர் மற்றும் வைஃபை தரம் குறித்த வெளிப்படைத்தன்மையை வழங்குகிறது.
இந்திய தொலைத்தொடர்பு ஒழுங்குமுறை ஆணையமான (TRAI), குடியிருப்பு மற்றும் வணிக வளாகங்களில் டிஜிட்டல் உள்கட்டமைப்பை வெளிப்படையாக தெரிந்துகொள்ளும் வகையில் Digital Connectivity Rating (DCR) தளத்தை அறிமுகப்படுத்தியுள்ளது.\n\nஇது எப்படி செயல்படுகிறது?\n\nஇனி ஒரு புதிய வீட்டையோ அல்லது அலுவலகத்தையோ வாடகைக்கு எடுக்கும் முன்போ அல்லது வாங்கும் முன்போ, அந்த கட்டிடத்தின் கனெக்டிவிட்டி ஸ்கோரை (Connectivity Score) ஆன்லைனிலேயே சரிபார்க்க முடியும். ஃபைபர் வசதி, மொபைல் சிக்னல் தரம் மற்றும் வைஃபை திறன் ஆகியவற்றைத் தணிக்கை செய்து, இந்த தளம் சான்றிதழ்களை வழங்குகிறது.\n\nரியல் எஸ்டேட் துறையில் பெரிய மாற்றம்:\n\nஇதற்கு முன்னால், கட்டிடங்கள் கட்டப்பட்ட பிறகு நெட்வொர்க் வசதிகளைச் சேர்ப்பது (Retrofitting) அதிக செலவையும், சிரமத்தையும் கொடுத்தது. ஆனால், இனி கட்டிட வடிவமைப்பிலேயே நெட்வொர்க் கேபிளிங் மற்றும் சிக்னல் தீர்வுகளை கட்டாயமாக்க டெவலப்பர்களுக்கு இது ஒரு உந்துதலாக அமையும்.\n\nமுதலீட்டாளர்களுக்கு என்ன லாபம்?\n\nஇந்த புதிய ரேட்டிங் முறையானது, எதிர்காலத்தில் ஒரு கட்டிடத்தின் மதிப்பையே நிர்ணயிக்கும் காரணியாக மாற வாய்ப்புள்ளது. உள்கட்டமைப்பு வசதிகளை சிறப்பாக வைத்திருக்கும் டெவலப்பர்கள், சந்தையில் மற்றவர்களை விட அதிக போட்டித்தன்மையுடன் செயல்பட முடியும். மேலும், ஹை-கிரேடு கேபிளிங் மற்றும் நெட்வொர்க் உதிரிபாகங்கள் தயாரிக்கும் நிறுவனங்களுக்கும் இது ஒரு புதிய தேவையை உருவாக்கி, விற்பனையை அதிகரிக்க வழிவகுக்கும்.\n\nஇந்த ரேட்டிங் சிஸ்டம் எந்த அளவுக்கு பில்டர்கள் மத்தியில் எடுபடுகிறது மற்றும் வீடு வாங்குபவர்கள் இதை எந்த அளவுக்கு முக்கியமாகக் கருதுகிறார்கள் என்பதைப் பொறுத்தே இதன் உண்மையான தாக்கம் தெரியவரும்.