Zoho நிறுவனர் ஸ்ரீதர் வேம்பு, AI தொழில்நுட்பம் குறித்து முக்கிய எச்சரிக்கை விடுத்துள்ளார். விரைவில் AI-ஆல் உயர்நிலை கணித சிக்கல்களை தீர்க்க முடியும் என்றும், இதனால் மென்பொருள் துறையில் மனிதர்களின் பங்கு மாறும் என்றும் அவர் கூறியுள்ளார்.
மென்பொருள் துறையில் மாற்றங்கள்
நிச்சயமாக, இனி வரும் நாட்களில் புரோகிராமர்களின் வேலைகளில் பெரிய மாற்றம் வரப்போகிறது. மென்பொருள் கோடிங் செய்வதை விட, AI தயாரிக்கும் கோடுகளை சரிபார்ப்பதே (Verification) மனிதர்களின் முக்கிய வேலையாக மாறும் என்று ஸ்ரீதர் வேம்பு சுட்டிக்காட்டியுள்ளார். இதற்காக Formal Verification போன்ற நுட்பங்களை கையாளுவது எதிர்காலத்திற்கு மிக அவசியம் என்கிறார் அவர்.
Zoho-வின் தனித்துவம்
மற்ற டெக் நிறுவனங்கள் AI-க்காக கோடிக்கணக்கில் முதலீடு செய்து, பங்குச்சந்தையின் அழுத்தத்திற்கு ஆளாகும்போது, Zoho முற்றிலும் மாறுபட்டு நிற்கிறது. கடன் சுமை இல்லாத, சுயநிதி நிறுவனமாக இருப்பதால், குறுகிய கால லாபத்தை எதிர்பார்க்காமல் நீண்டகால ஆராய்ச்சி மற்றும் மேம்பாட்டில் Zoho கவனம் செலுத்துகிறது.
முதலீட்டு சூழல் குறித்த பயம்
தற்போதைய AI முதலீட்டுப் போக்கை, டாட்காம் காலத்து (Dot-com era) வெறியோடு ஒப்பிடுகிறார் வேம்பு. AI-க்கான அடிப்படை கட்டமைப்பு செலவுகள், மின்சாரம் மற்றும் குளிரூட்டும் வசதிகளுக்கான செலவு நாளுக்கு நாள் அதிகரித்து வருகிறது. இதனால் முதலீடு செய்யும் நிறுவனங்கள் லாபம் ஈட்ட முடியாமல் போகும் அபாயமும் இருப்பதாக அவர் எச்சரித்துள்ளார்.