அதிக மின்சாரம் தேவைப்படும் டேட்டா சென்டர்களை முறைப்படுத்த வர்ஜீனியா அரசு 'Data Center Accountability Framework' என்ற புதிய திட்டத்தை கொண்டு வந்துள்ளது. இது பெரிய ப்ராஜெக்ட்களில் வெளிப்படைத்தன்மையை அதிகரிப்பதோடு, புதுப்பிக்கத்தக்க எரிசக்தி பயன்பாட்டையும் ஊக்குவிக்கிறது.
அமெரிக்காவின் முக்கிய டிஜிட்டல் உள்கட்டமைப்பு மையமாக திகழும் வர்ஜீனியாவில், டேட்டா சென்டர் நிறுவனங்கள் மீது கடுமையான கட்டுப்பாடுகள் கொண்டுவரப்பட உள்ளன. கவர்னர் Abigail Spanberger அறிமுகப்படுத்தியுள்ள இந்த புதிய சட்ட வரைவு, இதுவரை இருந்த தளர்வான விதிமுறைகளை மாற்றி, நிறுவனங்களை அதிக பொறுப்புடன் செயல்பட வைக்கிறது.
முக்கிய அம்சங்கள்:
- வெளிப்படைத்தன்மை: 25 மெகாவாட்-க்கு மேல் உள்ள எந்தவொரு திட்டத்திலும் 'Non-Disclosure Agreements' (NDA) பயன்படுத்த தடை விதிக்கப்படுகிறது. இது உள்கட்டமைப்பு திட்டங்கள் குறித்த பொதுமக்களின் சந்தேகங்களை தீர்க்க உதவும்.
- எரிசக்தி மாற்றம்: டேட்டா சென்டர்கள் இனி டீசல் அல்லது இயற்கை எரிவாயு ஜெனரேட்டர்களுக்கு பதிலாக, சூரிய ஒளி மற்றும் காற்று போன்ற புதுப்பிக்கத்தக்க எரிசக்தியை பேக்கப் சிஸ்டமாக பயன்படுத்த ஊக்குவிக்கப்படும்.
முதலீட்டாளர்கள் கவனத்திற்கு:
AI வளர்ச்சியால் டேட்டா சென்டர்களுக்கான தேவை அதிகரித்துள்ள நிலையில், வர்ஜீனியாவின் இந்த முடிவு மற்ற மாநிலங்களான New York, Texas மற்றும் Pennsylvania ஆகியவற்றிலும் எதிரொலிக்கலாம். இந்த புதிய சட்டத்தினால் நிறுவனங்களுக்கு compliance costs மற்றும் அனுமதி பெறுவதற்கான கால அவகாசம் அதிகரிக்க வாய்ப்புள்ளது. சட்டப்பேரவையில் இந்த மசோதா நிறைவேற்றப்பட்டால், அது டேட்டா சென்டர் நிறுவனங்களின் operating margins-ஐ எந்தளவுக்கு பாதிக்கும் என்பதை பொறுத்திருந்துதான் பார்க்க வேண்டும்.