இந்தியாவின் வளர்ந்து வரும் Creator Economy-ஐ சீர்குலைக்க 'Paid Mass-Reporting' கும்பல்கள் களமிறங்கியுள்ளன. இதனால் பல கோடி மதிப்பிலான பிராண்ட் ஒப்பந்தங்கள் மற்றும் வருவாய் அபாயத்தில் உள்ளது.
டிஜிட்டல் உலகின் 'சுபாரி' ஆபத்து
இந்தியாவின் டிஜிட்டல் பொருளாதாரத்தில் தற்போது புதிய வகை அச்சுறுத்தல் உருவாகியுள்ளது. 'சுபாரி கில்லர்கள்' போல, ஒரு கன்டென்ட் கிரியேட்டரின் கணக்கை முடக்க பணம் பெற்றுக்கொண்டு Mass-Reporting செய்யும் கும்பல்கள் அதிகரித்து வருகின்றன. 2030-ம் ஆண்டுக்குள் $100 பில்லியன் முதல் $125 பில்லியன் மதிப்பிலான சந்தையாக வளரப்போகும் இந்த துறையில், இது ஒரு பெரும் நிதி அபாயமாக உருவெடுத்துள்ளது.
பிராண்டுகளுக்கு என்ன பாதிப்பு?
இந்திய கிரியேட்டர்கள் ஆண்டுக்கு சுமார் $350 பில்லியன் மதிப்பிலான நுகர்வோர் செலவினங்களை தீர்மானிக்கிறார்கள். இதனால் பல FMCG மற்றும் D2C நிறுவனங்கள் தங்கள் விளம்பர பட்ஜெட்டை இன்ஃப்ளூயன்சர்களை நோக்கி மாற்றியுள்ளன. இத்தகைய சூழலில், ஒரு கிரியேட்டரின் கணக்கு திடீரென முடக்கப்பட்டால், அதனுடன் இணைக்கப்பட்ட பிராண்ட் ஒப்பந்தங்கள் மற்றும் வருவாய் சேனல்கள் உடனடியாக துண்டிக்கப்படுகின்றன. இது 'Platform Dependency' எனப்படும் பெரும் வணிக ஆபத்தை நிறுவனங்களுக்கு ஏற்படுத்தியுள்ளது.
பிளாட்ஃபார்ம்களின் பலவீனம்
Meta போன்ற நிறுவனங்களின் தானியங்கி தணிக்கை (Automated Moderation) முறைகளை இந்த கும்பல்கள் தங்களுக்கு சாதகமாக பயன்படுத்துகின்றன. பழைய மற்றும் உண்மையான கணக்குகளைப் பயன்படுத்தி போலி புகார்களை அளிப்பதன் மூலம், பிளாட்ஃபார்ம்களின் ஏஐ (AI) கணினிகளை ஏமாற்றி கணக்குகளை முடக்க வைக்கிறார்கள். சமீபத்தில் ஒரு பிரபல நிதி சார்ந்த இன்ஃப்ளூயன்சரின் உயிரிழப்பு சம்பவத்திற்குப் பிறகு, இது குறித்த விவாதங்கள் சூடுபிடித்துள்ளன.
இந்த கும்பல்கள் பெரும்பாலும் கிரிப்டோ கரன்சி மூலம் பணம் கேட்டு அநாமதேயமாக செயல்படுகின்றன. பிளாட்ஃபார்ம்கள் தங்கள் பாதுகாப்பு மற்றும் தணிக்கை முறைகளை மாற்றியமைக்காவிட்டால், டிஜிட்டல் மார்க்கெட்டிங்கில் முதலீடு செய்துள்ள நிறுவனங்கள் பெரும் இழப்பை சந்திக்க நேரிடும் என்பது சந்தை நிபுணர்களின் எச்சரிக்கை.